#إستهلك_قدك #مثقفون_توعية #

[سلطانة الصحراء]

أكثر ظاهرة تتعاود خاصة في رمضان ، انك تلقى انسان كان يشري فالايام العادية 5 خبزات ، وفي رمضان يبدا ياكل بعينيه يروح يشري 10 ... منبعد فالدار كاين هذيك العقلية تاع حنا ناكلو خبز جديد ( فريكشا ) ، يعني لازم يشري كل يوم وهذا الخبز لي بقى ما مصيره ؟
يترمى للاسف فالقمامة ! ماتكونش مبذر أخي أختي قال الله تعالى : (وَلا تُبَذِّرْ تَبْذِيراً إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُوراً) [الإسراء: 26-27].
( للاسف رانا نبذروا 10 ملايين خبزة سنويا غير بهذي الطريقة )
بينما كنت قادر تشري قدك وماتضطرش ترمي نعمة ربي ... رمضان راه كيما الايام الاخرى ، يعني 14 ساعة ونتا صايم منبعد تاكل 5 خبزات ؟ مستحيييل ، كول بعقلك ماشي بقلبك واستهلك قدك ، باش ماتديش الاثم على الخبز لي رلك ترميه .
حل آخر : لبنات والنساء تقدروا تيبسول الخبز هذاك وتحولوه ل Chapelure ولا طحين الخبز وكاين 10000 وصفة تقدروا ديروها كاضافة فالمائدة ولا للسحور خير ملي يترمى ❤
كون كيما لي وصفهم الله تعالى هنا : (وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَاماً) [الفرقان:67].
فكر مليح قبل ما تستهلك ، الامر ليس له علاقة بالمال وانما بالفكر وثقافة الاستهلاك .
#إستهلك_قدك #مثقفون_توعية