قصة قصف اليهود لغزة قصة حي الشيخ جراح في مدينة القدس

[سلطانة الصحراء]

اللي مو فهمان شو عم يصير بالقدس
لازم نفهم قصة حي الشيخ جراح في مدينة القدس ... و سبب القيامة الي قايمة هنيك
* حي الشيخ جراح حي صغير جدا يقع شمال المسجد
الأقصى
* سكان حي الشيخ جراح هم ٢٨ عائلة مهجرين من
بلدانهم وقراهم سنة ١٩٤٨
* تم تسليمهم الحي باتفاقية مع وكالة اللاجئين الاونروا والمملكة الأردنية ، وبالاتفاق انه رح يتم تسليمهم اوراق ملكية الأرض بعد ٣ سنوات من تاريخ الاتفاقية
* طبعا بسنة ال ٦٧ صارت نكسة جديدة وتعرقلت قصة تسليمهم أوراق الملكية متل دائماً عند العرب كلشي معرقل
* ال٢٨ عائلة صاروا حوالي أكثر من ٥٠٠ فرد ، كلهم مهددين من سنوات بالطرد والاخلاء ، لأن الاحتلال الواطي بيحاول يثبت ملكيته لأراضي حي الشيخ جراح بحكم موقعه الاستراتيجي المهم ، ولأنه احتلال عنده اختلال بالانسانية وكل القيم .. وكأنه الن عنا شي أصلااا
* المهم لحد يومنا هاد الاحتلال لم ينجح باثبات ملكيته لأرض الحي ، وسكانه من سنوات بيعانوا من مضايقات المستوطنين ، حتى بعام ٢٠٠٨ -٢٠٠٩ ، انحكم على عائلة الكرد في الحي بشطر منزلهم نصفين . نص الهم والنص التاني لعائلة اسرائي_لية ، الحكم صادر من محكمة اسرائ_لية واطية ،
تخيل تكون نص دارك الك والنص التاني عايش فيها محتل مختل وتدخلوا من نفس البوابة عالدار وتكون عالدرج طالع نازل تتقابل فيه ،
المهم ضلت عيلة الكرد متناصفين منزلهم مع مستوطن لحد يومنا هاد ، وطبعا مضايقات وكلام وأفعال وتخيلووا
*عائلة الغاوي وعائلة حنون ب ٢٠٠٩ خسروا منازلهم بالكامل وصرلهن سنين عايشين بخيام مقابل منازلهم ، ويتأملوا المستوطنين طالعين نازلين من بيوتهم . تخيلوا كمية القهر
* وأخيرا سنة ٢٠٢١ اليهود مو ناوين على خير
، اللي بصير تطهير عرقي،، نكبة جديدة ، بدهم يطردوا كل أهالي الحي ويهدموا بيوتهم ويستبدلوها بمستوطنات يعيش فيها المستوطنين
#أنقذوا_حي_الشيخ_جراح
القدس كانت ومازالت وستبقى عربية فلسطينية اسلامية
#الشيخ_جراح
#save_sheikh_jarrah
#حي_الشيخ_جراح
#لا_لتهويد_القدس
#لن_نرحل