كعك النقاش الجزائري🇩🇿🇩🇿

[Gu Zēl]

كعك النقاش الجزائري
المقادير : 4 كيلات فرينة كيلة سمن طري ( كاين لي ايخلط بين سمن و زبدة ) بدرجة حرارة المطبخ نصف
ملعقة صغيرة ملح ملعقة كبيرة سكر ناعم و تقدرو تعوضوها بمغرفة تاع عسيلة
2 ملاعق كبيرة زيت نلم بكيلة إلا ربع ماء اثلزهر او لحليب العجينة تكون طرية
و تقدرو طمو لعجينة بالسيرو مغلي معاه مبشور الليمون و مبعد يتصفى نشكل كرات وزن 40 غ نغطيها ونخليها ترتاح 6 ساعات
الحشو : تمر او غرس مفور ومعجون طري
2 ملاعق كبيرة جلجلان محمص رشة قرفة ملعقة صغيرة زبدة او سمن نعجن مليح ونشكل كرات وزن 20 غ
طريقة التحضير : نحل الكرة شكل مربع نحط حربوش التمر ونغلق عليه وندور حتى نكمل نغلق مليح ونغلق الحبة للمبتدئات بالنقش ننقش من اليمين 2 ومن اليسار 2 ونمشي مع الحبة حتى نكمل النقش يكون رقيق نحط الحلوى في سينية مفرشة بورق الطهي ندخلها الفرن على 160 درجة طيب من تحت ونشعللها من الفوق لي تحب اللون ابيض تخليها تنشف فقط لي تحب اللون ذهبي تخليهم يزيدو يحمارو ولي تحب دير التزيين بالتمر جيب مول سيليكون شكل ورود صغيرة تطبع وردات وتلصقهم فوق الحبة او ترش السكر الناعم يبقى ذوقكم
كعك النقاش بالتمر من الحلويات التقليدية المشهورة في الجزائر يقدم عادة في الأعياد والأفراح و كامل يحبوه إليك الوصفة عزيزتي
#المطبخ_الجزائري #طبخات #حلويات #حلويات_جزائرية

 

[Gu Zēl]

حشو الكعيكعات :
اولا لبنات الكاوكاو ماتحمصوهش بزاف بزاف وماتخلوهش اخضر يتحمص دوغي كلاغ نديروا 3 كيلات تع كاوكاو يكون مرحي مليح كيما الحبة تع طعام وكيلة ناقصة صبع سكر عادي لافاني بودر لاغوم تع لافاني لاغوم تع اللوز الحلو لاغوم تع الجوز هذا سر مالا مالاسرار تع الحشو تاعي لي يذوقو مايفهم والو هههه جربوه ورجعولي الخبر ومن بعد نشممخ بالمزهر ونعجن يالبنات نعجن بالكف تع اليد ماشي ندلكو هههه اعجنو وعاودو حطوها فوق البوطاجي وبداو بالكف تع اليد تاعكم وتعجنو طريقة هاذي راكم تعسلو فيها باش يذوب سكر اولا وتتفاداو باش ييبس الحشو وثانيا راكم طرو فالحشو حتى ويطيب يقعد معسل كيما موضح فالصورة وكي ديرو المزهر ماتشحوش عليه خلو الحشو شوي يتلصق في يديكم مع تخلوه يريح عشر دقايق يشرب ويجي داك هو فتشماخ والكاوكاو يكون دا حقو فتشراب تع ماء الزهر وسكر وتضمنو بلي ماراحش يزيد يشربلكم كي طيبوهم فهمتوني لبنات؟؟ راني وضحت مالالف للياء وكي دخلوهم يطيبو مالتحت ومن بعد مالفوق ماتخلوهمش يحمارو فوق لازم وماتخلوهمش بيوضة ايلا حمارو بزاف الفور راح يشربلكم كلش طياب يلعب دور كبير يالبنات هذا الحشو نستعملو
في اي حشو تع حلوى يبقى معسل وطري مدة طويلة اي حاجة قلتها خذوها بعين الاعتبار لبنات ماتنقصو ماتزيدو نلقى تفاعل راح نزيد نحطلكم حاجات وحداخرين
تعديل❌️❌️ : لبنات ياك ماقلتش الزبدة وماقلتش السمن بسك ماتحتاجوش ليهم الطريقة تع العجن فالكف تع اليد هي لي تخليه يولي معسل وطري مام يطيب وقلت ونعاود مايخرجليش الزيت افهمو طريقة الشرح ياك قلت بالكف تع اليد ✋️ ماقلتش ادلكوها كيما المسمن راه كاين فرق ياك فهمتكم ووضحت وكلش باين فتصاور
#المطبخ_الجزائري #المطبخ #طبخ #حلويات #حلويات_جزائرية

 

[Gu Zēl]

صابلي بغاناش الشكولا
.
.
المقادير
للعجين
250غ زبدة
نصف كوب زيت
نصف كوب نشاء
نصف كوب سكر ناعم
2بيض
فانيليا
طحين
نصف كيس خميرة الحلويات
للمونتاج
مربى المشمش لألصاق الحبات
سكر ناعم للتزيين
غاناش الشكولاطة
التحضير
نحضر العجين نتركه يرتاح ،نشكل الحبات وندخلها للفرن حتى تستوي،ثم نتركها تبرد،نلصق كل حبتين بالمربى ،نزين بالسكر الناعم،وغاناش الشكولاطة وتصبح جاهزة.
بالعافية❤

 

[Gu Zēl]

بريوش خفيف ولذيذ بأسهل طريقة
المقادير:
كوبان من الحليب
1 كوب من الزيت
1 كوب ماء دافئ
2 بيض (نفصل الصفار عن البياض)
2 ملاعق كبيرة من السكر
1 ملعقة كبيرة ملح
2 عبوة خميرة فورية
طحين
50 جرام من المارجرين أو الزبدة
طريقة التحضير:
نضيف الزيت والماء والحليب الدافئ وبياض البيض والملح والسكر والخميرة ونخلط. نضيف الطحين شيئًا فشيئًا ونعجن العجينة حتى تصبح لا تلتصق بيدك (اعجن العجين لمدة خمس دقائق على الأقل) ، نترك العجين يختمر. نقطع العجين بحجم الماندرين ، وتوضع قطعة من الزبدة في كل دائرة وتُلف. يتم لف العجين المفتوح ونشكله مثل الخبز. ضعي عليها صفار البيض واسكبي الكمون الأسود أو الخشخاش ، انتظري خمس عشرة دقيقة لتختمر في الصينية .. اطهيها في فرن محمى على 180 درجة حتى تحمر وشهية طيبة.

 

[Gu Zēl]

بنيون بالبيسطاش
مكونات:
قاطو بيمو او اي نوع متوفر
80 جرام زبدة
80 جرام من الفستق او اي مكسرات متوفرا
ملعقة كبيرة من الكراميل توفيا او كابريس
1 إلى 2 ملعقة كبيرة حلوة الترك (شامية)
عسل بش نطمو لابات
تزيين
شوكولاتة بنكهة الفستق أو شوكولاتة بيضاء مع ملون أخضر خاص بالشكولاطة ونكهة الفستق
.#المطبخ_الجزائري #الطبخ_الجزائري #حلويات_جزائرية #الحلويات_الجزائرية #المطبخ_الجزائري_الاصيل #التراث_الجزائري #تقاليد_الجزائر #تقاليد_جزائرية

 

[Gu Zēl]

صابلي شكولا كراميل
صابلي العجينة :
250 غ مرغرين
كأس ناقص اصبع سكر ڤلاص
حبة بيض و 2 صفار (كي ندير 500 غ زبدة ندير 2 بيض و 3 صفار)
لفاني
و نلم بالفرينة خلي العجينة طرية ( على حساب الفرينة كاين لي تشرب ردوا بالكم تنشفوها)
و لي حب يزيد الكاكاو يزيد 3 مغ ك
كريمة الزبدة في الأطراف:
100 غ زبدة
50 غ سكر ڤلاص
50 غ شونتي
2 مغ ك زيت
عطر كراميل
الوسط درت كراميل:
150 غ سكر
80 غ زبدة
150 غ كريمة سائلة جي حاكمة روحها مرات ندير 200 غ به جيني خفيفة
30 غ شكولا
رشة ملح

 

[Gu Zēl]

5 حبات متوسطين بطاطا
صدر الدجاج مطحون
حبة بصل
ملح+فلفل أسود
جبن ابيض
4 حبات بيض
2 ملاعق زبدة
زيت للقلي
مقادير صلصة البيشاميل:
2 كؤوس حليب
ملعقة كبيرة زبدة
ملعقة كبيرة زيت
2 ملاعق كبار فرينة
طريقة التحضير:
في إناء نضع ملعقة زيت ونحط حبة بصل مقطعة شرائح رقيقة ونقليهم مليح حتى يتكرمل ونحط صدر دجاج المطحون ونحط الملح وفلفل اسود ونطيبهم جيدا ونتركهم على جنب نوجدو البطاطا نقطعوها دوائر ونقلوها نجيبو صينية الفرن ونحطو فيها ورق الطهي ونبداو نستفو البطاطا امبعد نجيبو حبات البيض نخلطوهم مليح نضيفولهم شوية ملح وشوية فلفل اسود ونفرغوه فوق البطاطا وندخلو الصينية للفرن حتى ينشف البيض
نحضرو البيشاميل في كاسرونة نحطو الحليب الزبدة و الزيت والفرينة الملح والجبن اختياري ادا حبيتو تحطو نخلطو كلش بارد في بارد ونحطو الكاسرونة فوق النار ونخلطو حتى يتقال الخليط ويعقاد نحطو منو شوية فوق البطاطا و بعدها نجيبو صدر دجاج اللي حضرناه ونحطوه فوق البطاطا والبيشاميل و نضيف قطع الجبن وندر اللولي تاع البطاطا حتى نتحصل على حربوش بعدها نحطولو البيشاميل مالفوق و نحطو جبن الشيدار المبشور ونعاودو ندخلوه للفرن حتى يتحمر والتزيين اختياري
بالصحة والراحة

 

[Gu Zēl]

كرواسون مالح باللحم المفروم
المكونات
4 ملاعق كبار زيت نباتي
ربع كيلو من اللحم المفروم
⅛ ملعقة صغيرة بوردة الثوم
¼ كيلو من عجينة الكروسان
جبنة الموزرايلا المبشورة
¾ملعقة صغيرة خلطة السبع بهارات
الملح والفلفل حسب الرغبة
طريقة التحضير
نسخن الزيت النباتي بالمقلاة على نار متوسطة، ونحمص به اللحم المفروم، حتى يغدو ناضجاً، ولكن دون تحوله للون البني
نحضر عجينة الكروسان على سطح العمل، ونصنع منها ثمانية شرائح على شكل مثلثات قائمة الزاوية
نضع اللحم المطبوخ على شرائح العجين، ونرش فوقها الموزرايلا والتوابل والثوم، ثم نلف العجينة من جانبها العريض باتجها رأس المثلث المقابل
نخبز القطع بالفرن المحمى على درجة 375 درجة، لمدة 10-12 دقيقة، حتى تنتفخ، وتصبح ذهبية، ونقدمها ساخنة

 

[Gu Zēl]

معقودة جزائرية بنينة بزااااف
المكوّنات :
4 حبات بطاطا حجم كبير
2بيض
توابل:
ملح
كركم
فلفل اسود
معدنوس
لاشابلير
فرماج مثلثات
سنينات ثوم
الخطوات
اول حاجة نديرها نقي بطاطا نتاعي ومن بعد نقلها ونفورها نمرسها مليح ونضيفلها توابل و سنينات ثوم مرابين و معدنوس مقطع لملح و نخلط مليح مكونات نتاعي مع لبطاطا و نضيفلهم حبة بيض ونمزج
ونزيدلها حوالي ملعقة كبيرة فرينةونخلطها مليح حتى تتشكلي كرة بكل سهولة ونخليها تريح فلفريجيدار ساعة باش تشد روحها وماتجيكمش مرخوفة
كي نخرجها نعملها كريات ونحشيهم بفرماج و نرمدوهم فلبيض ومن بعد مباشرة فلاشابلير ومن بعد نقلوها فزيت على نار هادية

 

[Gu Zēl]

قاطو زمان
مول الشاش
الوصفة
500غ زبدة مع كيس فاني و250غ سكر رطب 3صفار بيض ضربيهم مليح حتي تولي كريمة وزيديلها 500غ نشاء مع باكي خميرة قاطو أو مغرف صغيرة ولميها بالفرينة وخليها تبقي طرية شوي لعجينة وخليها ترتاح وحد ربع ساعة وشكليها بالمحقن او نشكلها فالقمع ونروليها ودخليها للكوشة طيب على نار هادئة لصقي بالمعجون ولا لاجولي هنا الاختيار راجع ليك و لذوقك ولصقي كل زوج حبات مع بعضهم في الحواف وزينيها بالقوفريط ولا نوات كوكو ولا مكسرات

 

[Gu Zēl]

✨️وصفات رمضانية ✨️
وصفة لي كورني مالحين
مقترحة كمقبلة للافطار في رمضان
🔸️مقادير العجينة :
2 كيسان فرينة كأس إلا ربع ماء 3 ملاعق كبيرة زيت ملعقة صغيرة خميرة فورية ملعقة صغيرة خميرة كميائية ملعقة صغيرة ملح نخلط جميع المكونات نتحصل على عجينة متماسكة ندخل فيها ملعقة كبيرة زبدة طرية ندلكها 3 دقائق نغطيها ونخليها ترتاح نبسط العجين رقيق ونقطع شرائط 1 سم نلف على المول وندهن بصفار البيض ونرش جلجلان والسانوج ندخلهم الفرن يطيبو على 180 درجة حتى يحمارو نخليهم يبردو وننزع الكورني من المول ونعمرهم بالحشو
🔸️صلصة الجبن : في كاسرونة ندير كاس حليب ملعقة كبيرة مايزينة فلفل اكحل رشة ملح قطع جبن طري جبن مبشور نخلط بارد في بارد ونحطها فوق النار مع التحريك المستمر حتى يعقد الخليط نطفي عليه ونخلط معاه علبة تون مع زيتون اخضر مقطع رقيق ونغمس الراس في الجبن المبشور ، صحة وهنا

 

[Gu Zēl]

وصفة تحلية البرتقال
المقادير:
مقادير الطبقة الاولى:
2 كاسين عصير البرتقال
2 ملاعق سكر
1ملعقة ونصف مايزينة(نشاء )
مقادير الطبقة الثانية:
نصف لتر حليب
3 ملاعق مايزينة
4ملاعق سكر
مبشور برتقالة
عطر البرتقال
طريقة التحضير:
نحضر الطبقة الأولى: في إناء نضع عصير البرتقال السكر و المايزينة نحركهم جيدا ونضعهم على النار ونحرك باستمرار حتى يتقال الخليط ويعقاد نحطو في القوالب الخاصة بالتحلية راهو في الصورة المهم نضع القوالب في التلاجة حتى تبرد الطبقة الاولى وتتماسك نحضرو الطبقة الثانية في كاسرونة نحطو الحليب السكر المايزينة مبشور البرتقال وعطر البرتقال نخلطهم جيدا ونحطها فوق النار ونواصل التحريك حتى يتقال الخليط ويعقاد نجيب القوالب يكونو بردو مليح نحط الطبقة الثانية ونرجعوهم للتلاجة يبردو ونخرجوهم وقت التقديم
شهية طيبة

 

[Gu Zēl]

ديكورات صابلي
●المقادير:
•500غ (رطل) مارغرين
•كاس سكر قلاصي
•4بيضات (3صفار و حبة كاملة)
•1خميرة الحلويات
•فرينة (حسب الحاجة)
•ربع كاس مايزبنة
•لفاني
●التحضير:
•نخلط المارغرين مع السكر القلاصي و البيض و لفاني بالخلاط الكهربائي
•منبعد نضيف الفرينة و خميرة الكميائية و المايزينة و نخلط باليد (لازم العجينة تكون طرية)
•نشكل العجينة و نطيبها منبعد نلسق بالكونفتور و نديكوريها بسكر القلاصي او كوكاو افيلي .
(•الا بغيتو ديكوريوه بكوكاو افيلي لصقوه بالكونفتور )

 

[Gu Zēl]

خبزة محشية
العجينة :
500 غ فارينة
باكو خميرة
مغرفة صغيرة سكر
مغرفة صغيرة ملح
شويا كليل و الا زعتر مرحي
كأس تاي زيت
50 غ زبدة
الحشو : ( حسب الرغبة )
انا حطيت فيه موزاريلا و بطاطا مقلية و معدنوس و شويا لحم دجاج ( مقلي في شويا زيت و كركم و فلفل اكحل و ملح ..) جبن مثلث، .صالة بيتزا ... المهم الي عندك حط ميقلقش..
طريقة التحضير :
شطر كأس ماء دافي فيه خميرة و سكر غطيهم و حطهم على جنب لين يتفاعلو..
فارينة و سكر و كليل و ملح و سكر و نحطو معاهم لخميرة الي حطيناها تتفاعل نخلطوهم مع بعضهم بماء و الا بالحليب كيف ما تحب .. و نعجنوهم بالباهي و خلوهم تخمر..
بعد ما تخمر نقسم لعجينة ل 8 كويرات و نبدأ نحل بالقلقال بالوحدة و بعد ندهنها بالزبدة و نحطهم فوق بعضهم( بش تجيك مورقة و هشوشة) و بعد ما حطيت الكويرات المحلولين فوق بعضهم نزيد نحلهم بالقلقال و نطوي لعجينة على أربعة و نرجعوها تخمر
و بعد ما خمرت .. نقسم لعجينة على ثنين نحل الكعبورة الاولي بالقلقال و نحطها في الطبق و بعد نحط الحشو و نحل لعجينة الثانية و نحطها فوق منها.. و بعد ادهنها باصفر عضمة و تنجم تزينها بشويا افاح خبز و كعبات زيتون.. ويبقى اختياري

 

[Gu Zēl]

كعيكعات مسكرين
.
.
المقادير:
العجينة:
525 غ فرينة
250 غ مارغرين ذائبة
قرصة ملح
ماء و ماء الزهر
الحشو:
300 غ لوز مرحي
100 غ سكر عادي
ماء الزهر
التحضير:
1-داخل وعاء ، أخلطي الفرينة مع الملح و أضيفي المارغرين ثم افركيها بكفيك و اجمعي العجينة بالماء و ماء الزهر.
2- حضري الحشو. في وعاء، ضعي اللوز و السكر و أجمعيه بماء الزهر.
3- أبسطي العجينة على طاولة عمل مرشوشة بالفرينة و شكلي حربوش من اللوز و ضعيه داخل العجينة.
4- لفي العجينة على الحشو ثم شكلي الكعيكعات.
5- ضعي الحلوى في صينية الفرن و ادخليها فرن درجة حرارته 180 لمدة 30 دقيقة.
6- عندما تستوي الكعيكعات، اتركيها تبرد ثم أغطسيها في ماء الزهر و رمديها في السكر الناعم و اتركيها مغطاة بالسكر كليا لمدة 15 دقيقة.
انزعي الكعيكعات من السكر و انثري الفائض من السكر بشكل جميل.

 

[Gu Zēl]

مملحات اليوم
هاي الوصفة لبنات
كأس حليب
مغرف كبيرة ممسوحة خميرة
مغرف كبيرة ممسوحة سكر
4 مغارف زيت
مغرف كبيرة نشاء
مغرف صغيرة ملح
في بسينة ديري كأس حليب دافي وتضيفي عليه مغرف خميرة ومغرف سكر وتخلطي بالفوي وتزيدي 4 مغارف زيت وتخلطي وديري نشاء وملح وتبداي تضيفي الفرينة حتا تولي عجينة مهيش تلصق وتعجنيها مدة 5 دقايق وتحطيها تخمر حتا يتضاعف حجمها
الحشو:
قطعي حبة بصل رقيق وزيدي عليها جوا فلفل رقيق وحبة زرودية مسكرفجة وحطيهم يذبلو في زيت زيدي صدر جاج مقطع وفلفل احمر فلفل اكحل وسكنجبير وملح وتخليهم يتحمسو ومنبعد تضيفيلهم نص كأس ماء وتخليهم يطيبو بالعقل حتا ينشف طول
كي تخمر العجينة شكليها كويرات وحليها بالحلال بالطول ورقيها على قد ما تقدري وديري الفرماج تاع الطلي وديري الحشو وزيدي فرماج مبشور وروليهم حتا تكمل العجينة وحطيهم في البلاطو وقطعيهم وادهنيهم صفار البيض وزيدي عليه شوية حليب وادهنيهم وديريلهم سينوج وحطيهم يطيبو من التحت والفوق وبصحتكم