زمن الفن الجميل

[سكينة ضاوي]

زمــــــــان يا فــــــن �� موضوع يتحدث عن كل ما يخص الفن ، المسرح ، السينما ، حياة الفنانين ، والطرب الاصيل


محمد سعد يحكي تفاصيل رفعه للأذان في مسجد بالسيدة زينب: كنا يوم جمعة ، وحضرت افتتاح أحد المساجد ، وذلك بحضور الشيخ محمد هداية وشيخ مسجد السيدة زينب ، وأنا من أبناء حي السيدة زينب ومنزلي كان بالقرب من المسجد ، وكنت أتابع عملية تركيب الإضاءة باهتمام شديد ، وفجأة قال لي أحد الحضور أن شيخ السيدة زينب والشيخ محمد هداية يريداني داخل المسجد..

 

[سكينة ضاوي]

رشدي اباظه كان يتمتع بأخلاق عاليه جدا وكانت ملامحه احلى بكتير عن اللي بنشوفه علي الشاشه
ولما أتعرض فيلم اين عقلي اتفاجئ المخرج ان اسمي مكتوب قبل اسم رشدي اباظه في الأفيش الخاص بالفيلم رغم قله تجاربي الفنيه بالمقارنة برشدي اباظه فاعترض المخرج جدا
ولكن رشدي اباظه أتدخل وقال :
ايه يعني اسمه ييجي في الأول ٠٠ ماتسيبوه ياخد فرصته
الناس عرفت مين هو رشدي اباظه لكن هو لسه على الطريق
محمود ياسين عن رشدي اباظه

 

[سكينة ضاوي]

- من المواقف اللي عمري ما هنساها لسعيد صالح انه في وقت عرض مسرحية العيال كبرت كان بابا مقاطعني بسبب اختياري لزوجي ففوجئت في يوم واحنا بنعرض انه بابا قاعد في اول صف في المسرح هو واصحابه فخفت و ارتبكت، فسعيد صالح لاحظ ده فقولتله انه بابا مقاطعني وهو قاعد وانا خايفه فلقيته بعد العرض طلع يجري وراه في الشارع بنفس الجلابيه القصيره بتاعت المسرحيه و مسكتش غير لما صالحنا علي بعض ❤
" ناديه شكري - بطلة مسرحية العيال كبرت

 

[سكينة ضاوي]

الاهتمام بالقضية الفلسطينية كان دافعه لتقديم فيلم #ناجي_العلي الذي يتناول حياة رسام الكاريكتير الفلسطيني ،
📽 وبسببه تعرض #نور_الشريف لأشرس حملة هجوم في حياته ، حتى إنه فكر في الهجرة وترك مصر نهائياً كما تقول إبنته #مي_نور_الشريف التي أضافت:
📽 (( تأثر والدي جداً بالهجوم عليه في أعقاب عرض الفيلم ، والذي تطور من هجوم إعلامي إلى منع توزيع أفلامه في الخارج ، وفي ذلك الوقت كان التوزيع الخارجي أمراً مهماً جداً لأي منتج ، وأهم ما يعتمد عليه في ميزانية الإنتاج ، ولهذا فقد ظل لمدة 3 سنوات بدون عمل نهائياً )) ،
وتتابع "مي نور الشريف":
📽 (( قرر الهجرة خارج مصر وبدأنا الاستعداد للهجرة كأسرة ، بل إنه بدأ يفكر في عمل بديل للفن ، وعُرض عليه العمل كمذيع في إذاعة #BBC_العربية ووافق على هذا العرض ، ولكنه تراجع بعد ذلك عن فكرة الهجرة وعاد للعمل الفني بفيلم من إنتاجه )) ،
📽 ووفقاً لابنته ، كان "نور الشريف" لا يتسامح مع الخيانة ، ويتقبل ما عداها من لحظات الضعف الإنساني ، كما تكشف ابنته التي قالت إنه رغم ذلك ظل بقية حياته رافضاً تسمية من خانوه في أزمته بعد فيلم "ناجي العلي" ممن كان يعتبرهم أصدقاءه ،
أما أقرب الأصدقاء لقلبه فتقول "مي" عنهم:
📽 (( المذيع الراحل #محمود_سلطان ، والفنان الكبير #صلاح_السعدني ، وصديقان من خارج الوسط الفني يعيشان خارج مصر )) .

 

[سكينة ضاوي]

ذكري ميلاد أحد أضلاع ثلاثي أضواء المسرح
جورج سيدهم مواليد 28 مايو 1938 في محافظة سوهاج مدينة جرجا تخرج في كليه الزراعة جامعة عين شمس عام 1961 قسم إنتاج حيواني.
بداية انطلاقاته مع النجم سمير غانم والضيف أحمد وكونوا فرقة ثلاثة أضواء المسرح وحققوا نجاحا كبيرا
من أهم أعماله الدرامية "رأفت الهجان "" بوابة الحلواني ""الف ليلة وليلة "
من أهم أعماله السينمائية " 30 يوم في السجن ""شاطيء المرح ""شباب مجنون جدا "
من أهم أعماله المسرحية " المتزوجون "" أهلا يا دكتور""حواديت "" جوليو ورميت "
رحل جورج سيدهم عن عالمنا في 27 مارس 2020 عن عمر يناهز 82 عاما بعد صراع مع المرض

 

[سكينة ضاوي]

-قبل كاملة أبو ذكري كنت هتعمل فيلم من اخراج واحدة ست برضو صح ؟؟
=ااااه هحكيلك ، محمد يس المخرج كلمني في يوم قالي تيجي مكتب الاستاذ واصف فايز الساعة كذا هتعمل فيلم "ديسكو ديسكو" ، كنا بنقرا اخبار الفيلم ده ، كنت هعمل دور ابن مدام نجلاء فتحي ، فأنا بقى مش مصدق نفسي انا راجل بلعب كورة منتخب مصر سن 18 سنة وجاي من التمرين رايح اقابل مدام ايناس الدغيدي وديسكو ديسكو ، فقلت أعمل ايه بقى عشان املى عينها رحت لأبويا الله يرحمه قلتله الموضوع مكلف والمستقبل جاي ، قالي عايز ايه ؟؟ ، قلتله القصة كذا ، المهم الموضوع كلفني حوالي 85 جنيه وده كان رقم كارثة وقتها ، نزلت رحت لمحل اسمه "حزين" جبت قميص موف مقلم وبنطلون جبردين ب3 كُسر منفوخ كده وشراب رجلي باينة منه ومكنتش بشرب سجاير فعايز أعمل فيها فنان فأشتريت علبة سجاير وحطيتها في جيب القميص عشان يبقى حرفها باين ومكنتش بشرب قهوة ، القهوة كانت للكبار كان اخري جدتي تدلقلي شوية قهوة في طبق ، جهزت نفسي بقى اني اول ما اروح هتشرب ايه يا استاذ احمد ؟؟ هشرب قهوة وظابط الحركة ان مع خروج مدام ايناس وهي بتقول فين احمد أكون انا بولع السيجارة وبشرب القهوة وأقوم ببطيء أقولها "أهلا أهلا" وقعدت أحلم بالموضوع ده 10 ايام وحاطط القميص والبنطلون قدامي .. المهم رحت في الميعاد دخلت طلبت قهوة مظبوط وعلبة السجاير في جيبي وماسك الولاعة ومستني ايناس تقول "فين أحمد؟" أولع السيجارة وأقوم أهلا أهلا .. جات القهوة مشربتهاش مستني ايناس تيجي مجاتش ، فضلت قاعد 3 ساعات كل شوية الراجل ييجي يشوف القهوة يلاقيها متشربتش يتضايق أقوله سيبها ما هو هيبوظلي الحركة اللي هعملها ، بعد ال3 ساعات سمعت طقطقة كعب وصوت ايناس بتقول "حضروا كذا وكذا.. لا ده غامق على نجلاء مش هينفع نجلاء بشرتها أفتح" وسابتني ومشيت
-يا عيني يا ابني وخلص الفيلم على كده ؟!
=مفيش هي خرجت شافتني قالتلهم "ده غامق على نجلاء" ومشيت وملحقتش أعمل حاجة وخلص الموضوع على كده
السقا عن تجربته مع ايناس الدغيدي

 

[سكينة ضاوي]

الفنانه الراحله ليلي فهمي رحمة الله عليها فنانه تحس انها جارتك أو قريبتك أو من الحي الراحله قدمّت أمام الزعيم عادل إمام عددا من الأفلام، ومن أهم أدوارها التي لا تنسى، ما قدمته في فيلم "احترس من الخط"، أمام عادل إمام ولبلبة، و فيلم "رجل فقد عقله"، أمام فريد شوقي وسهير رمزي، وعادل إمام، وإكرامي، وفيلم "واحدة بواحدة"، مع عادل إمام وميرفت أمين.
عدد كبير من الأعمال الفنية ما بين سينما ومسرح وتليفزيون، قدّمت من خلالها الفنانة ليلى فهمي، أدوارًا مميزة، مع كِبار النجوم سواء من زمنها الجميل أو أمام النجوم الشباب وقتها.. ومن أعمالها السينمائية، "فتوة الناس الغلابة، لاعزاء للسيدات، ليلة القبض على فاطمة"، ومن أعمالها الدرامية، مسلسلات "شرارة، ليالي الحلمية، يوميات ونيس"، ومن أبرز أعمالها المسرحية، "هاللو شلبي" أمام سعيد صالح وعبد المنعم مدبولي.
وفي عام 2003 في الـ 4 من يونيو، رحلت الفنانة ليلى فهمي عن الحياة بعد صراع مع المرض عن عمر ناهز الـ 65 عامًا، تاركة إرثًا فنيًا مميزًا لعشاقها.

 

[سكينة ضاوي]

-كنت بروح أقعد مع أحمد زكي بالايام وهو مريض ، كنت بقعد عنده مقومش
=كنت بتحب أحمد زكي
-أوي
=أشتغلت معاه كتير ؟؟
-اه ، هو ميتكررش
=ايه أهم ما كان يميز أحمد زكي كإنسان ؟
-الصراحة والسخاء ، ده مرة مكنش معاه غير 200 جنيه عطاهم لواحد في الشارع ومشي هو من غير فلوس .. ده كان معروف عنه انه ميسيبش حد معهوش ، أحمد زكي فلوسه مكنتش له
من حوار وحيد سيف مع صفاء أبو السعود عن أحمد زكي

 

[سكينة ضاوي]

- عمرك اخدت ادوار من حد؟
= امر طبيعي جدا، احنا في وسط واحد و بناخد من بعض.
- يعني حصل.
= اه طبعا.
- اكتر فيلم ندمت انو راح منك؟
= انا عمري ما ندمت علي حاجه ربنا مكتبهاش ليا، علشان في نفس الوقت الي بتكون حاجه بتروح حاجه تانيه بتيجي.
- ونعمه بالله بس احنا بشر بردو يا استاذ محمود.!
= طبعا، بس هديكي مثال انا قصدي ايه، في فتره من الفترات كان اجري مش الفئه الاولي، و بسبب اعتذار صديقي و اخويا #يحيي_الفخراني عن فيلم #العار بسبب سفره للخارج، عملت الدور مكانه، وبسبب الدور ده اجري بعد كده تضاعف اضعاف و مبقتش ملاحق علي المنتجين.
- والاستاذ يحيي زعل؟
= اول واحد كلمني بعد عرض الفيلم ، علي الرغم من اني متاكد انو كان هيعملو احسن مني ١٠٠ مره
الساحر #محمود_عبد_العزيز رحمه الله عليه في حوار له

 

[سكينة ضاوي]

فاتنة المعادي بنت الأصول ذات الأصول الشركسية "كريمة"
تعلمت التمريض من أجل فوزي واستأجرت معجبات لرفع روحه المعنويه وإدخال السرور إلى قلبه
خلال الرحلة العلاجية التي قام بها الفنان الراحل محمد فوزي
مع زوجته الأخيرة الفنانة كريمة أو فاتنة المعادي، استقر بهما المقام في عاصمة الضباب لندن حيث خضع للعديد من الفحوصات الطبية لاكتشاف طبيعة المرض النادر الذي ألمّ به.
أما زوجته الارستقراطية ذات الأصول الشركسية فقد حصلت على دورة تدريبية في التمريض لكي تقوم برعايته بنفسها، ولكنها لاحظت إصابته بحالة اكتئاب مزمنة نتيجة الحالة المذرية التي وصل إليها، وإحساسه بخفوت نجمه الفني وصعوبة استعادة بريقه من جديد.
وهنا فكرت «فاتنة المعادي» في حيلة ذكية تخرج بها من ذلك المأزق؛ فقامت باستئجار فتاة إنجليزية واتفقت معها على تمثيل دور إحدى المعجبات بفوزي، وبالفعل أعطتها مبلغًا من المال ووقفت ترقب المشهد من بعيد.
الفتاة الإنجليزية دخلت حجرة الفنان المصري وقامت باحتضانه وتقبيله وطلبت منه أن يوقّع لها أوتوجراف، أما هو فقد بدا مندهشًا فكيف لفتاة أجنبية أن تتعرف عليه وأن تكون معجبة به بمثل تلك الطريقة!! وتهلل وجهه لأول مرة منذ فترة طويلة.
وبعد أن خرجت الفتاة من حجرته تابعت كريمة مراقبتها، فإذا به يتجه إلى الحمام ويقف ليحلق ذقنه ويدندن في سعادة، وعندما دخلت عليه سألته عن سر سعادته، فأجاب قائلًا: «تصوري يا كريمة إن فيه من الإنجليز اللي يعرفني.. أنا لازم أهتم بشكلي عشان المعجبات يشوفوني في صورة حلوة».
وعلى الرغم من إنها تمثيلية مدبّرة لكن الزوجة سعدت بنجاحها في إدخال الفرحة لقلب زوجها لما لها من أثر فعال في رفع روحه المعنوية خلال مرضه...

 

[سكينة ضاوي]

تتحدث الفنانة مريم فخر الدين عن كرم وأخلاق فريد الأطرش فتقول : فريد كان لازم يعزمنا علطول حتي لو مش معاه ثمن العزومة ممكن يعزمنا علي جبنة وفول وطعمية المهم لازم يعزمنا، ده في الأيام اللي كان فريد لسه علي قد حاله ولما بقي مشهور وغني كان الكرم أكبر.
وتستطرد قائلة : مرة عملت عزومة في شقتي وطبعا كان من ضمن المعازيم فريد وانتظرته كثير كل شوية أطل من البلكونة منتظرة قدومه، وفعلا جه فريد ومعاه بعض من أصدقائه، وما زالت منتظراه علي باب الشقة ولكنه لم يأتي، قلقت عليه لاني شفته دخل العمارة، نزلت لقيت فريد قاعد مع البواب وحواليه بوابين العماير اللي جنبنا والناس حواليه، وهو عمال يغني بقاله أكثر من نص ساعة والناس مبسوطين جدا من تواضع وفن فريد ولما خلص قولتله : انت قاعد كل ده مع البوابين وسايبني منتظراك؟ قاللي بصراحة عم عثمان البواب اول ما شافني قعد يمدح ويمجد فيا وقاللي انا نفسي أحضرلك حفلة، بس ظروفي متسمحش، رديت قولتله هعملك حفلة مخصوص وقعدت أغني، ودي من أجمل لحظات عمري يا مريم
البواب من جمهوري زيه زي ابن الباشا وابن الوزير

 

[سكينة ضاوي]

موقف محرج للعندليب فى منزل رشدى أباظة فى رمضان
(عبد الحليم حافظ طلع الحلاق):
المواقف الكوميدية والمحرجة فى بعض الوقت كثيرًا ما تحدث بين النجوم وعائلتهم وأصدقائهم خاصة فى شهر رمضان المبارك وينتج بعد ذلك عنها ذكريات مضحكة وجميلة مثلما حدث مع الفنان رشدى أباظة والعندليب عبد الحليم حافظ.
روي المخرج طاهر أباظة بالقناة الفضائية المصرية والباحث فى التاريخ المصرى لـ "بوابة الوفد"، فى أحدى أيام شهر رمضان الكريم دعى الفنان رشدي أباظة العندليب عبدالحليم حافظ على الإفطار فى منزله ولم يخبر زوجته الأمريكية "باربرا" والدة ابنته قسمت.
أنشغل رشدى أباظة يوم العزومة بالمواعيد خارج البيت وداخلها وقبل أذان المغرب بساعات قليلة تذكر ما فعله، بأنه لم يخبر زوجته أن هناك ضيف على الأفطار لذلك لايوجد طعام كافى ،فخرج سريعًا لشراء الطعام والحلويات .
عبد الحليم حافظ ورشدى أباظة
وأضاف طاهر أباظة: قبل أن يخرج رشدى أباظة كان من المفترض أن يأتى الحلاق الخاص به إلى المنزل ، فأخبر زوجته عنده وصوله تدخله إلى الحمام وتضع كرسي له و تخبره أنه لا يتأخر، وبعد نزوله بدقائق أتى عبد الحليم إلى المنزل .
فتحت " باربرا" زوجة رشدى أباظة الباب لأنها لم تعرف عبد الحليم فظننت أنه الحلاق وأدخلته إلى الحمام وأغلقت الباب، عندما عاد زوجها إلى المنزل أخبرها أنه دعى ضيفًا على الإفطار
نسيت أخبارك ‘ هو" أشهر مطرب عندنا في مصر و الوطن العربي مثل فرانك سيناترا عندكم".
أشار الدكتور طاهر :أخبرته "باربرا" زوجته أن الحلاق وصل وينتظره فى الحمام ، فأسرع رشدى أباظة حتى ينتهى سريعًا قبل الإفطار ولكن فجأة يفتح الباب ليجد عبد الحليم بالداخل فقال له:"إيه إللي جابك في الحمام "، فرد عليه:"أنا عارف مراتك دخلتني و قالت لي أنك مش هتتأخر فإفتكرت أن الخواجات بيدخلوا الضيوف الحمام في أول الزيارة و إتكسفت أخرج ".
تابع الباحث فى التاريخ :فضحك رشدي أباظة ضحكته الشهيرة و نادي زوجته و قائلاً:" ده عبد الحليم حافظ الضيف مش الحلاق "، و أثناء إنطلق مدفع الإفطار و أذن المغرب فقال رشدي لعبد الحليم:" إتفضل علي السفرة"، فرد عبد الحليم و هو يضحك :"ما ناكل في الحمام أحسن يا رشدي ".

 

[سكينة ضاوي]

لازم تفهم أنت وغيرك
الموضوع مش شغل واكل عيش ناس قعدوا في بيوتهم وبس !
الموضوع أكبر من كده بكتير ..
ده تراث فني ودرامي عظيم عمره أكتر من ١٢٠ سنة ،
ماينفعش يبقى رهن الاحتكار والشلالية وإبتزاز الفنانين والمواهب الجديدة في رزقهم وفنهم !
مافيش حاجة أسمها
نجم يفرض صحابه على العمل ضد رغبة المخرج !
مافيش حاجة أسمها
مسلسل يتصور وهو لسه بيتكتب !
مافيش حاجة أسمها
كاستنج دايركتور يمسك ١٤ مسلسل عشان صاحبنا !
مافيش حاجة أسمها
آرت دايركتور ومصممة ازياء يمسكوا اكتر من عمل في نفس الوقت عشان صحابنا !
مافيش حاجة أسمها
اجر بطل العمل أكبر من ميزانية العمل نفسه !
صانع الدراما الحقيقي عارف قيمة البحث الجيد والتحضير الجيد قبل العمل فالبتالي عارف قيمة السيناريست والمخرج وباقي عناصر العمل
صانع الدراما الحقيقي بيضخ فنانين حقيقيين في المنظومة طول الوقت مش أداة لهدمهم بالتهميش واليأس والاحباط
صانع الدراما الحقيقي عارف ان الاحتكار والشلالية ضد صناعة الفن
صانع الفن الحقيقي غيور على تاريخ وتراث بلده الثقافي والفني
كلي أمل أن المنظومة تتصلح
اقسم بالله لأسباب وطنية وفنية أكبر بكتير من أي هدف شخصي
دي كلمتي ورزقي على الله

 

[سكينة ضاوي]

كنا زعلانين ليه يسرا والفنانين راحوا الفرح بليل ورقصوا يوم دفن الفنان الراحل سمير غانم ؟؟؟؟
فرح مين يعنى ؟؟؟
تعالوا اقولكم
تكلفة الفرح الحقيقة 12 مليون دولار والمعلن 3 مليون دولار بس عشان الحسد .
الزوج امير عبد الوهاب تمتلك اسرته بنك مصري يسمي كريدي أجريكول .
الزوجة نور محمد المرشدي بنت محمد المرشدي عضو مجلس الشيوخ وصاحب مشروع معمار المرشدي .
- مبدأيا كدا القاعة اتبنت خصيصاً للفرح دا واستمر بناؤها حوالى 3 اشهر عشان تتسع ل 9 آلاف معزوم .
- ديكورات الفرح اشرفت عليه شركات عالمية متخصصة فى هذا المجال .
- المغنيين ...بتعرف تعد؟
عمر دياب، ونانسي عجرم، تامر حسني، راغب علامة مينفعش طبعا فرح من غير الحس الشعبي فجابو حمو بيكا
- طبعا جوهرة موجودة لزوم الفرفشة بس مش هنكتفي بجوهرة لا احنا هنجيب كل ما هو غريب جبنا strippers وخاد بالك معايا
- دعوات الفرح كانت بتروح للمعازيم عن طريق موقع الكتروني تم انشاؤه وتخصيصه لهذا الغرض يحمل مقطع فديو مسجل من العائلة بالدعوة .
-نيجي بقي للمعازيم تعرف فنانين الوطن العربي ونجومه ومشاهيره؟ واللي متعرفهمش والله برضو موجودين..خمن اي حد مشهور كدا ؟ ابو هشيمة مثلا.. اه برضو موجود .. مش بس كدا لا بوشكش محفوظ بيضحي ومشاهير العالم برضو انا شوفت محمد حديد كدا وسط الزحمة.. ده غير كل رجال الاعمال والسياسة واصحاب المال .
- كل تجهيزات الفرح من اكل ولبس وهدايا وخلافه مستوردة من اشهر الاماكن والعلامات التجارية العالمية ووصلت يوم الفرح
=فستان العروسه وطقم الالماظ الخام اللي اتقدمولها ب 6 مليون دولار بس

 

[سكينة ضاوي]

منتهى الروعة
من أقوال الدكتور مصطفى محمود رحمه الله وأسكنه الفردوس الأعلى
************
‏إياك أن تُصدق بأنك كبُرت في السن ..
‏ما جسدُك إلآ وعاء توضع فيه رُّوحك ..!!
‏الرُّوح لاتشيب ولا تشيخ ، و‏الرُّوح من عالم آخر لا تُشبه عالمنا بِشيء ، ولا يعلمُها إلآ الله ..
قال الله ﷻ :
*﴿ وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا ﴾*
‏إياك أن تحبس رُّوحك في إطار جسدُك ..
حلّق في عالم التفاؤل والأمل ، ‏وثـق بِالله في كُلِ خطوة تخطوها ، ‏ساعد الجميع وامنح الحب ‏وازرع الخير في كُلِ مكان ..
*"لاراحة لمُؤمن إلآ بِلقاء ربه"* كثيراً منا يفهم هذه العباره خطأ ، لايُشترط أن يكون اللقاء بعد الموت ... !!!
العلمُ لِقاء ..
والذكرُ لِقاء ..
والتفكُر لِقاء ..
والصلاةُ لِقاء ..
والصدقةُ لِقاء ..
والمُناجاةُ لِقاء ..
وقيامُ الليل لِقاء ..
وبِر الوالدين لِقاء ..
وقراءة القرآن لِقاء ..
وصلة الأرحام لِقاء ..
وزيارةُ المريض لِقاء ..
والأدب مع الناس لِقاء ..
والتودُدُ إلى الناس لِقاء ..
وتفريج كُرُبات المُسلمين لِقاء ..
{{ فهل أدركنا كم فُرصة لِلقاء ؟؟؟ }}
قال الله ﷻ :
*﴿ فَمَن كَانَ يَرْجُواْ لِقَآءَ رَبِّهِۦ فَلْيَعْمَلْ عَمَلًا صَٰلِحًا وَلَا يُشْرِكْ بِعِبَادَةِ رَبِّهِۦٓ أَحَدًۢا ﴾
ماتيجي نصلي علي الهادي البشير سيدنا محمد صل الله عليه وسلم

 

[سكينة ضاوي]

قالت الفنانة زينب وهبى، إنها تعرضت لتجربة توقف قلبها لفترة قصيرة أثناء ولادتها لابنها الثانى، وشعرت بصعود روحها من جسدها وتحليقها عند سقف غرفة العمليات، حيث خرج مساعد الطبيب مهرولا ليستدعيه من الغرفة المجاورة. وقالت، خلال مداخلة هاتفية مع برنامج "يحكى أن" من تقديم إيمان مختار، عبر قناة "مصر الأولى"، إنها فى اللحظة التالية شاهدت شريط عمرها يمر بصور من طفولتها حتى شبابها، ثم شاهدت زوجها المخرج الراحل حمادة عبدالوهاب وهو يخرج أحد المشاهد بمشاركة الفنانة رغدة.أضافت أنها شاهدت ابنها الأكبر فى المنزل كأنها تراقبه من فوق، ثم شعرت أنها تسير داخل أسطوانة طويلة دون أن تلمس قدمها الأرض، أشبه بنفق مظلم وفى آخره ضوء قوى، حيث وجدت والدتها الراحلة تستقبلها وتحتضنها.
أوضحت زينب وهبى أنها حاولت أن تصطحب والدتها لكى تدخل معها إلى المكان المضىء، لكن والدتها دفعتها بقوة لتعود من حيث أتت، وأفاقت لتجد نفسها تتعرض للصدمة الكهربائية وسط بكاء الممرضات حولها، فيما طالبها الطبيب بالهدوء وعدم التحرك، بسبب تعرضها لتسمم الحمل، مؤكدا أنها أنجبت الطفل الذى كان بصحة جيدة وقتها، لكنها تعانى من مضاعفات وتوفى الطفل بعد الولادة بشهرين، لكن التجربة غيرت شخصيتها، وجعلتها تكتسب معتقدات إيمانية جديدة وتصديق لقدرة الله.

 

[سكينة ضاوي]

الفنان المحترم الكبير احمد نبيل بارك الله في عمره أكد الفنان أحمد نبيل، رائد فن الحركات الإيحائية "البانتوميم " فى مصر اعتزاله الفن احتراما لنفسه،
وأضاف، خلال مداخلة هاتفية مع الإعلامية إيمان الحصرى ببرنامج "مساء دى إم سى" : "لما بيوحشنى التمثيل بقف أمام المرآة وأعمل فقرة بانتوميم لأحفادى وما يبهجنى أعمال قدمتها للأطفال وأعمالى مع ثلاثى أضواء المسرح، وأكثر ما كان يسعدنى هى البرامج المقدمة للأطفال ".
وتابع: "تركت الوسط الفنى لكى أحترم نفسى، وذلك لأنه فى الماضى كان هناك 50 ممثلا فى عمل أو 20 أو 10 ولكن الآن، أصبح العمل يحتوى على فنان واحد والباقى كومبارس"
وتابع الفنان أحمد نبيل : "ليس من المعقول بعد أن عملت مع الفنانة فاتن حمامة ومحمود المليجى وفنانين آخرين عظماء أنتظر من يقدم لى دور كومبارس، تلقيت تكريمات كثيرة جدا من جميع أنحاء العالم وتم تكريمى من وزير الثقافة الأسبق فاروق حسنى".
واستطرد : "الحمد لله أنا شبعان ومش بقول عندى عمارتين بس عندى ناطحات سحاب عندى ابنى وبنتى"، لافتا إلى أنه عمل مع ثلاثى أضواء المسرح، وتعلم كثيرا من محمود المليجى وعبدالمنعم مدبولى وفؤاد المهندس، مشددا على أن الجيل الجديد لا يسمع، وحاليا، أقضى معظم وقتى فى النمسا عند ابنى وأعمل فى التحكيم بعروض البانتوميم.

 

[سكينة ضاوي]

لما كان بيتعرض مسلسل نبي الله يوسف، من كذا سنة، لفت نظري حاجة مهمة جدا وكويس ان الايرانيين صناع الفيلم فاكرينها..
لما اخوة يوسف عليه السلام سافروا من ارض كنعان اللي هي دلوقتي فلسطين واللي جنبها وتحتها ، وصلوا مصر علشان يطلبوا طعام.. جم من بلادهم اللي هي صحاري ، وفجأة وجدوا امامهم حرس الحدود المصري اللي وقفهم وسألهم رايحين فين.
طبعا اخوة يوسف انبهروا م الجنود المصريين.. زي عسكري موحد.. سلاح.. عجلات حربية.. توثيق لاسماء الداخلين.. تصاريح دخول.. الخ..
دخلوا مصر وهما برضو منبهرين.. بنايات.. انشاءات.. جيش نظامي مسلح.. مصالح حكومية ودواوين و وزارات وقصور.. دولة كاملة عفية ..
استمروا ف طريقهم ف حراسة جنود مصريين لغاية قصر الحكم لمقابلة عزيز مصر.
كل دا وكان باقي العالم خيام .
مصر عظيمة من الاف السنين
مصر تنال تشريفا بالأمن من الله " ادخلوا مصر أن شاء الله امنين"
احنا التاريخ والجغرافيا
احنا كنا موجودين وبعدين التاريخ اتكتب

 

[سكينة ضاوي]

☆ حكى الفنان القدير الراحل جمال اسماعيل الله يرحمه فى برنامج "عفاريت حسين الامام" وقال :
"زمان وانا صغير حصل قدامي حاجة غريبة جدًا كان عندي وقتها ١٠ سنين و اللي حصل مش قادر يروح من بالي لحد النهارده ، كنت ساكن في بيت ميسور الحال في القاهرة ، البيت كان مكون من خمس ادوار ، احنا كنا ساكنين في الدور التاني ، الدور اللي فوقنا ساكن فيه ست و جوزها و ولادها ، فجأة جوز الست دي اختفى و مراته مش عارفة اي حاجة عنه ، فكرة انه يبقى سابها و اتجوز عليها دي مستحيلة لأنهم بتجمعهم قصة حب كبيرة..
عدت سنة و أكتر و الراجل مبيجيش البيت ، الست ابتدت تصعب على الجيران و ابتدوا يفكروا انهم يشوفوا حل ، لحد ما قرروا انهم هيشوفوا شيخ لأن وارد يكون حد عامل لهم عمل أو ما شابه..
و فعلاً جه الشيخ و اتجمعوا الجيران في بيت الست دي عشان يدعموها و ميسيبوهاش لوحدها ، و انا كنت عيل صغير و عندي فضول اتفرج فعشان كده طلعت معاهم.
الشيخ طلب من كل الموجودين انهم يقعدوا و يعملوا دايرة على الارض و انا وقتها كنت قاعد جنب والدتي ، ابتدوا يحضروا الحاجات اللي طالبها الشيخ اللي هي المنقد و الفحم و البخور ، طلب طبق فاضي و مصحف جابوله طبق لونه أبيض و جابوا المصحف كمان..
فجأة الشيخ طلع من جيبه مفتاح من مفاتيح زمان اللي شكلها كبير دي ، و حط المفتاح فوق المصحف و المصحف فوق الطبق و قعد يقول كلام غريب مش مفهوم كأنه بيعزّم
حاولت ألقط اي كلمة منهم معرفتش ، و في وسط ماهو بيعزّم فجأة لقينا المفتاح بيلف فوق المصحف !!
وقتها الشيخ ده بص لي و ندهلي قالي تعالى ، رحت و انا خايف قعدت جنبه ، قالي شيل المفتاح و المصحف وبعدين
طلب مني اشيل الطبق كمان ، أول ما شيلته لقيت تحته حاجة مربوطة في حتة قماشة !!! كلنا اتخضينا و فضلنا نبص لبعض ، راح واخده
مسك حتة القماشة دي و وجه كلامه لصاحبة البيت و سألها انتي عندك قماشة شبه دي ؟ ، قالت له ايوة عندي روب من نفس القماشة ، قالها هاتي الروب ده اشوفه ، راحت جابت الروب و جت بنبص عليه لقيناه مقصوص منه حتة !!!
فك القماشة و فتحها لقى فيها ورقة صغيرة مكتوب فيها باللون الاحمر و قال لازم تشيلوا البلاط الموجود في الصالة كله..
تاني يوم جابوا عامل شال البلاط و الشيخ جه و حضر شيل البلاط و في وسط الحفر لقوا جمـ*جمة بشرية و عضم
و مكتوب عليهم باللون الاحمر نفس الكتابة اللي لقيناها في الورقة ، مسكهم و ولع فيهم
الشيخ بص للست و سألها انتي سيبتي البيت ده قبل كده ؟
قالت ايوة جوزي لما كان موجود خدني و روحنا نصيف
قالها العمل ده اتعملك في الفترة دي و عمومًا العمل كده اتفك خلاص..
بعد يومين بالظبط اتفاجئنا ان جوز الست دي رجع لها تاني
راجع يعيط بدموع و يقولها انا كل يوم اجي و اطلع العمارة و اوصل لحد باب الشقة ، الاقي حاجة بتشدني تنزلني تاني
اللي عرفناه في النهاية يا حسين إن اللي عمل كده هي حماة الست دي ، لأنه ولد وحيد و امه متعلقة بيه و لما شافت انه بيحب مراته و متعلق بيها هي اللي فكرت تفرق بينهم و هي اللي دخلت شقة ابنها و هو في المصيف و قصت الهدوم !!"
من برنامج عفاريت حسين الامام

 

[سكينة ضاوي]

آخر رسالة نشرها عمرو سمير لوالدته المذيعة ماجدة عاصم
قبل وفاته
"كل سنة و انتى طيبة يا حب حياتى.. ربنا يخليكى ليا و ميحرمنيش منك أبداً و يديكى الصحة و طولة العمر يا رب.
كل سنة و كل أمهاتكم بخير و لو مش مجودين معاكوا يبقوا فى الجنة ان شاء الله
يا ماما ... يا أما ... يا أماتي
سلاماتي ... احتراماتي ... قبلاتي
صباح الخير يا مولاتي
يا ماما ... يا أما ... يا أماتي
أبوس الأيد ... وقلبي سعيد
يا أول حب في حياتي.
لم يتزوج ومات في عز شبابه
ياريت تدعوله دعوة من القلب