القانون❣ الدستوري

[الباحث الجامعي]

القانون❣ الدستوري:
❣الدرس 1 ❣ بإذن الله بسطتو تفهموه كامل
مبدا الفصل بين السلطات:
يقصدو بيه عدم جمع بين سلطات..وميجوزش لشخص او هيئة انو تكون عندو سلطتين او ثلاثة في يدو وحدو..
داروه مبدأ هذا علجال باش دولة تخضع للقانون باش يستبعدو استبداد وتعسف ....الخ
ظهور مبدا الفصل بين السلطات:
كي كانو بكري فلاسفة يحوسو ينظمو دولة قالك لازم نوزعو سلطات ووظاىف عامة تاعها عل هيئات مختلفة ..منخليوهاش في يد شخص واحد ولا هيئة وحدة ..باش يخلق توازن بيناتها وماتطغاش هيئة على اخرى وتولي تستبدها...وباش مايصراش اضطرابات وتذمر بين افراد شعب ..
❣جا افلاطون❣ وقالك: باشدولة تتمكن من تحقيق اهداف تاعها وتقوم بلوظائف تاعها وتحقق الخير لعامة شعب لازم نفصلو اعمال دولة وهيئات لي تباشر هاذ اعمال ..بشرط ايجاد نوع من تعاون بيناتهم ..باش هيئة متخرج عن حدود اختصاصاتها دستورية و هيئة متستبد ولا تنحرف في مزاولة سلطانها.
❣من بعد جاء جون لوك :❣
قالك بلي هو اول واحد اهتم بمسألة فصل بين سلطات في عصر حديث ودار كتاب سماه" حكومة مدنية" (ماشي عسكرية خخخخ) الذي صدر 1690 يعني جيست عام بعد اعلان وثيقة حقوق 1689 (هاذ وثيقة تضمنت ملامح هاذ مبدأ كيما نقولو حنا شرت عليه )
يقلك جون لوك موضعش نظرية متكاملة بصح كومام نلقاوه بلي قسم سلطات الى 3(تشريعية تنفيذية اتحادية) حيث (تشريعية تضع وتسن ودير قوانين )(تنفيذية تخضع لسلطة تشريعية ) (وسلطة اتحادية هي صاحبة اختصاص في شؤون خارجية يعني هي لي دير ابرام معاهدات واعلان الحرب ..الخ ..
من بعد دعى جون لوك لسلطة اخرى سماها "سلطة التاج" مجموعة من حقوق وامتيازات يحتفظ بيها التاج بريطاني .
❣انتقاد لجون لوك:
قالك جون لوك هذا خاطي خلاص ..باسكو ممدش اهمية لسلطة قضائية و مهدرش عن استقلاليتها ..قالك نورمالمون هذا كامل بسبت انو في 1688قضاء كانو يعينهم ملك ويعزلهم ملك ...من بعد رجعو يعينهم برلمان ..بصح في كلتا حالتين متحصلوش على استقلالية ...
-من بعد جون لوك دخل بعض تعديلات على كيفاه يسمارسو سلطة بصح هكذاك وأقر وقال بلي كل وظائف رئيسية تبقى بيد الملك وذلك عن طريق منح ملك تدخل في عمل سلطتين تنفيذية وتشريعية
-فينالمون نلقاو بلي جون لوك لم يقدم سوى تمييز بين وظائف وليس فصل بين سلطات .
Hammouche ❣slimane
❣من بعد جاء مونتسيكو:❣
بدا يعالج مبدا انطلاقا من تقسيم وظائف دولة لثلاث : (وظيفة تشريعية تنفيذية القضائية ) اي (سلطة صنع قانون وسلطة تنفيذ ق و سلطة البت في خلافات لي تصرا عن مخالفة احكامه اثناء قيام بالوضائف...
•⚖من بعد دعا مونتسيكو الى تنظيم اجراءات باش يحقق انسجام بين سلطات 3 وتعاون وذلك عن طريق ( منح كل عضو سلطة حكم و سلطة ردع اي وسائل عمل لي تخلي قرارات خاطئة لي تصدر من سلطة اخرى متتنفذش ..باش يوصلو للتوازن وتعاون ..مثلا قرار من سلطة تشريعية ميصلحش تدخل سلطة تنفيذية ولا قضاىية وتمنعو من تنفيذ ...) من بعد زاد مونتسيكو ضاعف عدد اعضاء في كل سلطة و قسم سلطة تشريعية مجلسين.
حاب يقول بإختصار:
-مونتسيكو قسم سلطات الى 3 تشريعية تنفيذية القضائية....وبين مهام تاعهم
-واكد بلي تقسيم 3 هذا باش يمنع استبداد و تسلط و و الخ
-وقال بلي لازم كل سلطة تراقب عمل سلطات اخرى..
-________hammouche❣slimane_______-
تفسير مبدأ الفصل بين السلطات:
قالك عرف تفسير تاع مبدأ هذا تفسيرات متعارضة و في la fin وصلوا لطريقتين هما:
❣الفصل المطلق : ❣
قالك كون نطبقوه نكونو امام نظام رئاسي ..وهو ما يحقق ضمان استقلال برلمان عن حكومة..ودولة مقسمة بين ثلاث سلطات ..ويحكم مبدأ هذا (مساواة استقلال وتخصص )
-كي نقولو مساواة نقصدو بيها متنفردش سلطة بسيادة دولة وانما يتقاسموها سلطات كامل .
-كي نقولو استقلال فيكون على مستوى هيئات ووظائف بحيث لا يحق لعضو واحد في سلطة ان يكون نائب في برلمان و و زيرا..و كي نقولو هيئات مستقلة معناه مكانش تعاون بيناتهم حاب يقول لا يحق للحكومة حل برلمان ...
-كي نقولو تخصص معناه كل هيئة تمارس وظيفة محددة برك .
❣الفصل المرن: ❣يقولو بلي سلطات دولة موزعة بين ثلاث ولكل منها وظيفة متميزة الا ان هذا لايعني امكانية تعاون بيناتهم (وضائف) ...فالوزراء يمكن ان يختارون من برلمان أحيانا ومينذاك وزراء يكونو كامل من برلمان ..كيما بريطانيا ...ويمكن لسلطة تنفيذية ان تشارك في ممارسة سسلطة تشريعية (مثلا مبادرة بتقديم مشروع قانون ..خل برلمان...ويقدر برلمان يسحب ثقة من حكومة..الخ) .
❣مزايا مبدأ فصل بين سلطات : ❣
صيانة الحرية ومنع استبداد
مساهمة في تحقيق دولة قانون
تقسيم وظائف دولة وجني فوائدها.
حسن سير عمل في مجالات رئيسية لدولة.
❣الانتقادات:❣
-قالك كون نديرو هاذ مبدأ راح نقضيو على فكرة مسؤولية
-كي دارت فرنسا دستور 1946 هاجمهم فقهاء فرنسيون اثناء مناقشة دستور وقالو بلي هكذا راح تنحيو سلطة تشريعية من ملوك وتقييدوهم في سلطات تاعهم ....
-و خرين قالكمبدأ هذا مايحققش عمل و غير ممكن باش يصلح ..باسكو محال تزاول سياسة بواسطات هيئات منفصلة ومستقلة عن بعضها..
❣من بعد ردو على انتقادات هذو وقالو:❣
بلي جميع انتقادات اساس تاعها يقوم على فصل تام بين سلطات يعني فصل مطلق..في حقيقة هذا غير صحيح ..باسكو كي نقولو فصل بين سلطات نقصدو قيام بنوع من تعاون وتنسيق بيناتهم ميش فصل تام ...
-حاب يقول كي نقلو فصل بين سلطات نقصدو ذاك استقلال لي يضمن عدم تدخل احدى سلطات في شؤون الاخرى بشرط توفير نوع من رقابة لكل سلطة على اخرى بالقدر ضروري ...
❣موقف الفقه اسلامي من مبدأ الفصل بين السلطات:❣
قالك بلي مبدأ هذا هو قاعدة من قواعد فن سياسة او حكمة سياسية وبالتالي لازم تقسم وتوزع اختصاصات عامة في دولة على عدة هيئات و لازم نفصلو بيناتهم بصح بشرط لازم يكون تعاون ورقابة متبادلة .
تطبيقات مبدأ في ظهور اسلام:
اهداف تاعو كانت محققة منذ ظهور اسلام في قرن 7 ميلادي ..باسكو دولة الاسلام كانت قائمة على قواعد عدل ....
وكانت سلطة قضائية واضحة بلي مستقلة وذلك حين دون (كتب) مجتهدون اجتهاداتهم واخذها رجال القضاء مرجعا بل نجد احيانا ان احد طرفي خصومة هو الخليفة او الامير ذاته.
❣مبدا فصل بين سلطات في عهد خلافة اسلامية :❣
-دكتور يحيي السيد الصباحي قالك بلي مبدأ هذا ظهر من عصر عمر بن خطاب وخاصة فصل بين سلطة تنفيذية وقضائية ...باسكو عمر بن خطاب وضع نظامين لتعيين قضاة و زاد دار دستور للقضاء ..
-اما في شأن عدم فصل بين سلطة تنفيذ وقضاء فقد كان رسول صل الله عليه وسلم يقضي بنفسه وكان مبعوثون تاعو للانصار الى جانب قضاء بالشؤون تنفيذية .
-في خلافة راشدة كان خليفة يجمع بين سلطتي تنفيذ وقضاء ...ولم يستقل قضاء بالوظيفة قضاية فتقتصر عليهم دون ان يشاركهم احد من رجال تنفيذ بصح ميعنيش بلي اندماج وظيفي للقضاء ..باسكو قاضي في اسلام مستقل في عمله على خاطر قواعد لي يطبقها هي مبادئ الاهلية ميش قواعد ديرها سلطة تنفيذية.