الاكذوبة ... الصيرفة الإسلامية... تغيير نمط الربا تحت مسمى بيع المرابحة

[ساحرة الجنوب]

الاكذوبة ... الصيرفة الإسلامية ⁦⁩
والحقيقة الصيرفة الربوية .
صديق أراد أن يشتري سيارة عن طريق المرابحة كيما صدعونا راسنا بيها .. راح للبنك فهموه كيفاش تمشي ...
اقترح هو سيارة تاع 180 مليون سنتيم ، و قالهم نخلص 45.000 DA
قالولو نعطوك 60 مليون و انت خلص 120 مليون.
ندو 18.5 مليون حق المرابحة مع دفع الزبون مصاريف التسيير ، و ينحولو 13000دج شهريا مدة 5 سنوات يعني حوالي 78 مليون في خمس سنوات.
كي فهموه في العرض قالهم لوكان عندي 120 مليون نشري سيارة و نقعد عاقل علاش نجي ندير كريدي و نخلصو بالفايدة تعكم مالفوق
زعفو منو قالولو راه اللي يجي يقولنا هذي الهدرة
و قالولو إذا تخلص فوق 10 ملاين تخرجلك مليحة نعطولك 85% من ثمن السيارة اي 153 مليون و انت تدفع 27 مليون برك ...
زاد قالهم اممم تسما هذي درتوها للطبقة الغنية ؟
خرج غاضب من الوعود الفارغة و هوما غاضبين من الرد اللي يسمعوه دائما و ماشي محال ربي غاضب علينا ڨاع