سلام عليكم ، بابا قسملنا الورث مدلنا كامل من ختي وحدة قالنا ولله ما تدي

[Chaima droit]

سلام عليكم ، بابا قسملنا الورث مدلنا كامل من ختي وحدة قالنا ولله ما تدي ، اغلبية خاوتي عجبهم الحال، وهي مسكينة عايشة قدها وقد روحها ، بسكو تزوجت بإنسان كانت تحبو و بابا مكانش قابل بيه ، لا علينا تقسم هذاك الورث ، زاد بابا جبد الاورو لأنو كان في فرنسا خدام، وخاوتي كل واحد راح دار مشروع نتاعو و خلاو بابا وحدو في الدار ....أختي واحد مقاللها بلي قسمنا الورث انا حشمت نقولها ، وحد النهار بالجمعة قاتلي نروحو نطلو علي بابا و نريحو شوية قلتها اوكي رحنا كي دخلنا وقعدنا قالها بابا وقيلا جيتي كاش ما طامعة نمدلك ، قاتلو بابا اللّٰه يهديك وقتاش انا قتلك مدلي جيت نطل عليك وخدمتلك شوية مسفوف الي تحبو ، قالها خاوتك كامل مديتلهم حقهم ، و لا ربي دا امانتو هذي السكنة راها في اسم خوك فاتح باه ديري حسابك منا ورايح ، مسكينة تبسمت وعينينها دمعو بصح بلا ما تبين قاتلو والله الي تشوف يا بابا راني قابلة بيه مهم انت تكون مليح وربي يخليك لينا ....بعدها بابا قالنا حاب نرقد شوية ، خرجنا من عندو لحقنا للباب نتع برا أختي مسكينة غلبتها دمعتها قاتلي واش درتلكم حتي تعاملوني هكا يا خي علبالكم راجلي معندوش و بنتي مريضة وربي عالم بيا و تزيدو تخبو عليا ، انا حشمت ملقيت منقولها وراحت لدارها ، خاوتي من الدقيقة الي داو الدراهم رجعو ميروحوش لبابا لا هما لا نساهم غير انا و اختي نروح بالجمعة نغسلولو و نسيقولو الدار، انا مرضت عجوزتي رجع راجلي ميخلينيش نروح بزاف غير اختي تروح مسكينة تحكم ترونسبور من رغاية حتي سطاوالي كل جمعة وترجع ....وحد النهار بالجمعة أختي مراحتش رحت غير انا حتي قالي بابا واش بيها اختك مجاتش اليوم تالمو الي والف كل جمعة تجيه وتجيبلو الطعام وتغسلو ، عيطتلها و دايرة تلفون Haut-parel
قلتلها بابا سقساني عليك علاه مجيتيش ، هي معلبالهاش بلي راه يسمع قاتلي والله ملقيت دراهم باه نشريلو الطعام والجاج، حتي حق الترنسبور و معنديش ، قاتلي قولي بابا بنتها راها مريضة سمانة الجاية ان شاء الله كاش منسلف و نجيه ، وقاتلي تهلاي فيه سيقي واغسليلو قشو وبابا يسمع … بابا ثم حسيت وجهو تبدل وصح قاستو الهدرة تاع اختي ، قالي البسي قشك نخرجو ، جاب لوطو خرجنا قضينا كلش ، مهم واش نحكيلكم علي القضيان قليل ، دخلنا علي اختي متتصورش فرحتها 12 سنة زواج اول مرة يدخل دارها ، دخل بابا تخلع كيفاه عايشة بنتها مسكينة من ذوي ال