من فضلكم انصحوني والله تعبت

[Chaima droit]

من فضلكم انصحوني والله تعبت
انا عندي زوجي نحسه ماشي مسؤول قاع في المصروف الحمد لله بصح ما يحوسش عليا قاع جامي تفكرني بحاجة مع العلم انا خدامة والحمدلله بصح نبغي واحد واحد يفرحني لوكان حبة حلوة هو والو مم الهدرة ولى بخيل كلمة حلوة ما نسمعاش يجي من خدمة يتعشى ويروح الفراشه يكونكتي وإننا كب نكمل شغل نلقاه رقد ما يحوس عليا ما والو مع العلم يرقد بكري والي تغيضني كثر لقيته يفرج على فيديوات النساء غاضتني عمري وانا كلمة حلوة ما نسمعاش حتى الغيرة نتاع رجال مفيهش لوكان يلقاني نهدر مع راجل والا يغازلني واحد قدامه ما يحيرش
درك انا حرت بغيت نطلق منه بسك حسيت راني في موت بطيء مي غايضني ولدي صغير
انصحوني من فضلكم بسك معنديش لمن نحكي وشكرا
#منقولة

 

[Saliha badji]

راكي تقولي اني خدامة وهو خدام جابلي ربي هذا هو مشكل لبعد على بعض يدخل اهمال بيناتكم وزيد اذا انتي تجي من خدمة لسغل دار متتهلاي في روحك متقلشيه متتزينيلو بحجة خدنة وشغل دار راجل بين يموت قلبو من جيهتك كامل صبري خطيك من طلاق بزاف كانو هكءا ومنبعدا تسقمو ورجعو قمة صبري ودعي ربي

 

[Saliha badji]

حافظي على سرك وسر بيتك ادع الله في الخفاء ان الله يغير الحال من حال الى حال استعيني بالله ولا تكون على هذه الصفه تفشون اسراركم والله المستعان الله يداوي احوالك

 

[Saliha badji]

نهار ماتخدميش أخرجوا مع بعض في غابة في بحر في حديقة مكان عمومي و فكريه نهار تعرفتوا خليه يشوف ناس كفاش تعامل زوجتها اولادها حسسه بوجودكم خليه يحس انكم انتم من تصنعون سعادة ولا خليه و طيبي ماكلة و حوسي و حاولي تجبديه ليك بكلام حلوى ابتعدي على ضغط نفسي وعمل وخلها على ربي سبحانه
اذا مافيش تحسن طبيب نفسي خير و خير و نصيحتي ماتخسريش دارك و زوجك على جال أمور تقدري تتحسن أحوالك بالتوفيق ان شاء الله
ربي يجعل قلبه متعلق بك و بولده