استفسار الدولة تخلص الموظف على الزوجة 800 دج و على الاولاد 300 دج

[بوعلام صالح]

بغيت نفهم حاجة كيفاش الدولة تخلص الموظف على الزوجة 800 دج و على الاولاد 300 دج بصح لوكان يطلقها ، الدولة تقولك خلص النفقة عليها 6000 دج و الاولاد 3000 دج .
دروك مين راكم عارفين بلي الزوجة النفقة تاعها 6000 دج ها عطيهالي و هي متزوجة عندي احسن و لا كيفاش ....

 

[Aya Bretty Queen]

مكانش حاجة اسمها نفقة الزوجة كتطلقها
كاين نفقة الايجار( السكن) للطفل هذي في حدود 800الف
ونفقة مصاريف الطفل في حدود بين 400ل 600الف
المهم كلامك منطقي يعني الزوجة كطلقها تصرف على بنك ربعميات الف خلينا من السكن هاو لازم توفر سكن وعلاه في لابريم تاع الطفل حددتها دولة30الف

 

[Aya Bretty Queen]

الزوجة والأبناء مسؤوليتك والدولة كي مدتلك 300 دج على الطفل و 800 دج للزوجة التي لا تعمل هي مجرد مساعدة وضعتها الدولة للموظف زمان ولم يحين القانون لذلك فهي بهذا الشكل

 

[Aya Bretty Queen]

هذيك منحة تمدهالك الدولة بونيس وانت تصرف عليها من شهرك وكي تطلقها ما تصرف عليها لا قانونا لا شرعا اما أولادك النفقة يحددها القانون حسب تقديرات القاضي وحسب راتب الاب وتمدها من راتبك الخاص كيما كي يكون عندك تنفق عليه من راتبك الخاص والرجل الحقيقي ما يقارعش الدولة تفرض عليه منحة بسيطة لا تتعدى المليون ما تشريش حتى الكوش والحليب يتبع قوله تعالى (لينفق ذو سعة من سعته ) والمرأة المطلقة لي ما عندهاش راتب تديرلها الدولة منحة باش ما تطلبش

 

[Aya Bretty Queen]

كاين خلل كبير في قضية المنح و ذلك بسبب وضع قوانين بدون دراستها مثلا قانون منحة المطلقة لما تم دراسته وضع مبلغ معين حسب حاجياتها و أولادها و لم يتم تعديله ليومنا هذا رغم زيادة القدرة الشرائية كذلك في الرواتب منحة المرأة و الطفل صيغة في تسعينات القرن الماضي حسب المبلغ و غيرها يعني في بلادنا القانون يعدل بعد حدوث غضب كبير في الشارع أو كثرة البلبلة في الموضوع لكي يتفطن المسؤولين أما القضايا التي يسكت عنها فهي منسية إلى أجل غير مسمى

 

[Aya Bretty Queen]

ومن جهة اخرى معك الف حق من المفروض الدولة تخلص على الأبناء والزوجة نفس المبلغ الذي تفرضه على النفقة في حالةالطلاق هكذا الزوج لا يتضرر بعد الطلاق