- المشاركات
- 22
- مستوى التفاعل
- 0
- النقاط
- 1
سلام جماعة، أنا فتاة عمري 20 سنة يتيمة الأب و عايشة فقط مع الأم تاعي، قبل ربع شهر جا واحد خطبني من طرف عمي يبان متدين داير اللحية و القميص و شرط عليا الجلباب و منخدمش وأنا أصلا كنت دايرتو من قبل تسما قبلت شروطو و قلت المهم وليد أصل يسترني و جابلي خاتم و باتيسري بعدها بأسبوع و حنا درنا الڨاطو فالدار و عرضنا أقرب الأهل و درنا خطوبة صغيرة ، ملول مكنتش مرتاحتلو بزاف بحكم أول علاقة ليا في حياتي لكن هو كان يقولي أنا الأب و الأخ تاعك و حاجة ما تخصك معايا و نعوضك على كلش و بزاف هدرات هكا وأنا أمنتوا بسك لعبلي على الجرح تاعي، وكي شافني ألاز معاه بعدها بأسبوعين هكاك طلب مني نبعتلوا الصورة تاعي بلا حجاب و بلبيجامة وأنا قتلوا لالا بسك أصلا مزال مدرناش الفاتحة بصح هو زعف و قالي مالا كي تلقايني نهدر مع بنات ودخرين نتيجة هي السبة أنا ملول حسبتلي راهو يهدر برك كي زعف، بصح موراها اكتشفت بلي صح راهو يهدر مع لبنات، لقيت وحدة دايرتلو جادور فلافوتو اللخرة تاعو هدرت معاها قاتلي رانا نتعارفوا كي قلتلها بصح أنا خطيبتو و عندنا غير شهرين خطبة و بعتلها هدرة تاعنا هي تان بعتتلي لي كابتير تاعو يقوللها عجبتيني و عقليتك سحرتني و كان يفليكسيلها وأنا جامي فليكسالي و دايمن يشكيلي بلي معندوش و يبينلي بلي راهو يحارب باه يلم الدراهم و يتزوجني في أسرع وقت، المهم غير عرفت بلي ميسواش عيطتلو عرشتلو وقتلو غدوة ابعت يماك تجي تدي صوالحك وصح جات و مديتلها الخاتم ولي كادو لي جابوهم أصلا كنت مستعملتهمش و فضيت لحكاية، بصح هو محبش يخطيني كل يوم يحل فوكونت جديد و يقولي نتي كي شفتيني معنديش دراهم هربتي يا الطماعة و يقولي منخلي حتى واحد يخطبك و مراحش تسلكي مني ولا يتبعني برا و يعيط قدام الناس يا الطماعة يا الخداعة أنا جيتك بلحلال ونتي درتيلي هكا بهدل بيا وحشمني مع الجيران و المرة اللخرة قالي راكي وحدك نتي ويماك كون نحب نجيك واحد ما يسلكك مني و موراها بيومين لقينا الكونتور مضروب لي في الحيط تع الدار ، راني سير بلي هو و خفت يتمادى كتر و كشما يدير صح، هداك عمي كل ما نحكيلو يليكيديني حصلني بيه و جبد روحو، وش تنصحوني ندير خاوتي راني عايشة في التوسويس
