اريد حلا عندي عام ملي طلقت و عندي ولد عمره عامين

[Salma Ramdi]

السلام عليكم أنا عندي عام ملي طلقت و عندي ولد عمره عامين خرجت غدرة من داري رحت ضيفة عشيت مطلقة حسيت بواحد الظلم غير ربي لي عالم المهم ديت غير قشي لي نلبسه و الباقي قعد تم الفراش و القش لآخر و خرج الحكم و خرجت الصيغة التنفيذية انا رفضت نروح نجيب قشي دارنا عياو كيفاه يقنعوني لكن مخبيتش غي نتفكر ذاك القش قلبي نحسه يرجف و بلغته بدراهم التعويض كنت نساله فايت 30 مليون لكن جاب غير 4 ملاين و قال الباقي نديرلها طابلو يعني يخلص بالتقسيط انا رفضت و حاليا حتى هذوك الدراهم و غادي نسمح فيهم مخصنيش نجري موراه دارنا قالولي انت مهبولة و خصك عقل هل ياترى غلطت في حاجة مخصنيش جريات

 

[Coeur D'or]

حسبنا الله هو نعم الوكيل غالطة ختي

 

[Salma Ramdi]

ختي حقك وسمحتي فيه دبري راسك
لكن ماشي غدوة من غدوة تندمي وكذا بيسك يكون فات وقت الندم

 

[Coeur D'or]

راكي غالطة علاه تسمحي في حقك يعني طلقك ظلم وزيد متجيبيش قشك حوايجك راهم حقك اذا جاوك ثقال صدقيهم على ناس معندهمش يفرشوهم اما دراهم احكمي عليه واذا لاباس بيك معندك مديري بيهم صدقيهم انا ثاني طلقت وعندي طفل بصح حقي منسمحش فيه وربي يعوضك العوض الجميل ان شاء الله