ثلاث مشاريع فاشلة للأسف

ثلاث مشاريع فاشلة للأسف
حانوت مهما كان نوع تجارته في وسط الحومة لي تسكن فيها يحطموك بالكريدي
لوكاسيو دوفواتيغ كراء السيارات مشروع فاشل معمر مشاكل واحد يفسدلك الطولا لوخر يكوليلك الموتار وأغلبهم يتعلمولك في لواطاك
مشروع لأكياس البلاستيكية مشروع فاشل واعرا باش تلقا لي يشريهم عليك
إحذروا من هكذا مشاريع

 

[Yassine Trump]

مشاريع مع جيران و فاميلة كلهم فاشلين لازم تكون قاسي معاهم ولا يكلوك حي تخرسر بزاف معاهم و في الاخير يهدرو فيك و يتهموك باشياء من الاحسن تعاملهم كما براني ولا راح تفلس معاهم هوما ميفهموش انك تتعب و ممكن سلفت دراهم باش تخدم و بلي لازم يخلصو كي هوما كي الناس لازم يدو باطل من عندك ولا نت ماشي ناس ملاح نكارين الخير من الاحسن التعامل مع الشياطين و ماشي معاهم خدم مع براني تنجح و مشروع تاعك ديرو بعيد

 

[Abdullah Tadj]

اول مشروع نتع حانوت فالحي.. قادر تربح بزاف واصحاب حي تغرهم بقربك ليهم كثر مايشقاو.. ثانيا اذا سمطوهالك بالكريدي.. هنا تدخل عقلية لزم تتغير.. واكتبها في مدخل باب ممنوع كريدي.. حتى فاميلتك وقلهم منقدرش ندير كريدي راني نسترزق على روحي يفهموها ضربة لولا خلاص... ثاااني منعرفلوش يسما خلينا.... تالي عندك مشروع اكياس.. كي تخدم اكياس اعرف تسوق.. ممكن سوبر ماركت يطلبو ساشيات عديين اصنعلهم ساشيات خاصة بالمتجر نتعهم مع ديزاين خاص بإسم متجر وراك رابح وقنعتهم باش يشرو من عندك... تسويق صعب.. تعيااا بزااف مييي لزم.. تربح عشر عيباد.. خلاص تكون رابح لأنهم راج يشهروك..

 

[Yassine Trump]

مكانش مشروع ناجح ولا مشروع فاشل بلاك بالنسبة هذا مشروع فاشل مي بالنسبة وخداخر ناجح لازم شخص يكون عندو هيبة وشخصية قوية مايأثر فيه والو يعني كي يبدا يكمل مايراعي حتى واحد للامام حي ةلا ميت ولازم يكون مخطط لها من كل جوانب مش اي واحد عندو دراهم مثلا يقدر يدير تحارة ولا اي مشروع كل واحد وين قافز وتتعب عليه لازم مش تقول راه مكتوب دك ربي يرزقني دراهم يجو يجرو ونجاح ونت راقد وربي يوفق جميع

 

[Abdullah Tadj]

مهما كان نوع المشروع تاعك غير دخل فيه العاطفة مينجحش حنا نديرو مشاريع يدرون دراسة جدوى بدون خطة استراتيجية كيفاش حبيت المشروع تاعك ينجح مكان مدخل الجيران ولا نوع المشروع كي تكون خطة محكمة تنجح بلا مزيتك

 

[Yassine Trump]

المشروع الناجح تفتح محل غسيل السيارات وبيع مستلزماتها .

 

[Abdullah Tadj]

انا نشوف بلي انجح مشروع فالوقت الحالي هو الصناعة لازم افكار كيفاش نصنع حاجة وندخلها للسوق الجزائري

 

[Abdullah Tadj]

انا نشوف اي مشروع تديرو في الجزائر تنجح فيه بشرط تكون مبدع متبعش لي قبلك وتخدم بجهد مضاعف وتكون صافي لانو حاليا اي حاجة تروح ليها تلقى الغش مكانش الثقة