حبيت نسقسيكم انا عندي قريب سبع سنين

[Nedjma Badro]

حبيت نسقسيكم انا عندي قريب سبع سنين زواج انا و راجلي منتفاهموش خلاص عندي ولد معاه و كي شفنا روحنا دايما مدابزين محبيناش نزيدو دراري علما انا ساكنة مع اهلو و 90% تاع المشاكل من دار العايلة يعني من اهلو قتلو نخرجو نكرو ولا نروحو نسكنو فدارهم لقديمة قريبة ماشي بعيدة على دار العايلة محبش قالي غير بابا و يما لي منخليهمش ياكلو فالطابلة بلا بيا علما عندو خواتاتو و خاوتو وحدوخرين و انا عييت من المشاكل و حكموني امراض مالتقلاق الڨواتخ و لانيمي غير مالزعاف حبيت ندير الخلع هددني زوجي بلي وليدي ادا عتبت باب الدار منشوفوش نهائيا و بابا قالي ادا طلقتي منربيلكش وليد الناس بزاف عليا راني بين نارين انصحوني و دعولي خاوتي

 

[Eme Lyy]

لازملكم خرجة في راس الجبل ولا للبحر وحطو كلش في الطاولة ( ليس للنقد و العيوب بل بحثا عن الحلول لمشاكل لي راهي تكون وزيد على ذلك متى يكشف غطاء الحب ؟ نهار يكونو المشاكل و الاضطرابات و و و و و شحال من ازواج طلقو وهوما يحبو بعضاهم ولكن واحد مايفهم واحد وواحد مايتنازل على أمورو ربي يهديهم

 

[Eme Lyy]

الصبر ودعاء
ربي يصلح أمورك
وقصتي كما تاعك تقريب مي شفت حل شباب تهنيت شويا برك

 

[Eme Lyy]

خدمى عقلك ختى لعزيزة وصبرى مكاش دار مفيهاش المشاكل تجنبى المشاكل وصلى وكثرى من دعاء والله المستعان