استفسار سلام شكون جرب يخدم شاربات وقلب لوز يبيع غير من دار

سلام شكون جرب يخدم شاربات وقلب لوز يبيع غير من دار ايدا صح لازم تكون عندك رخسة دوك انا ڨالولي ممنوع تبيعي فدار قانون يمنع وكي طلب من صحاب محلات يبيعولي رفض بحكم عندهم حتي هوما يبيع وزيد لازم تكون عندي رخسة للمنتوج ياخوتي حرت واش ندير وزيد رحت سلفة باه بديت هاد مشروع وكي ماحبوش يبيعولي ڨعد من زعاف مديته أصلا جوارين حتي هوما كيفنة ناس فقراء علي قد حال وانا حبيت نخدم باه نقدر نخلص مول محل رفض يمد يمة مصروف وزيد راه مزيرنة في دراهمه وانا كنت طامعة ڨلت بلاك نقدر ننجح في خدمة ومنعاون يمة في مصروف ونكسي خوتي ولاكن الله غالب منعوني وكاين لي ڨالي جيبي رخسة من بلادية بحكم عندي اعاقة مشكل مانقدرش نخرج انا نبيع برا ولمشكل تاني نخاف ينحولي منحة اعاقة بغيت نعرف ايدا صح لازم رخسة ولا غير يعشولي وايدا مراحش نتعاقب علي خاطر ممكن يكون فيها بروسي ديروني ختكم ونصحوني واش ندير ومانقدرش نخرج نخدم برا بعيد علي دار يما مريضة وخوتي صغار مايعرفوش وزيد ڨاعدين بلا مصروف بغيت غير نخدم حتي وتكون فايدة قليلا ومطلوع مين ساكنين في منطقة صغيرة ماتمشيش لي عندها تجربة او نصيحة تعاوني واجركم عند الله واش هي وثاءق مطلوبة باه نقدر نخدم

 

[Eme Lyy]

تخدمي عادي ،تقدري تخدمي ديول تع البوراك ،المطلوع ،لي تارت ،قلب لوز ، شاربات ،جو ،هادو كامل يمشو ،لاكن ماشي من نهار الاول ، بضعة الايام يعرفوك الناس ،و يعرفو المنتوج ،بالتوفيق اختي الكريمة ،ربي يعاونك , انا من العاصمة اذا مراكيش بعيدة ممكن كاش ما نساعدك اذا أحتجتي المساعدة ،ريي يشافيك أمك و يحفظهالكم ،ربي يفرج عليكم انشاء الله

 

[Eme Lyy]

اخدمي من دار و ديري صفحتك في منطقة تاعك
المطلوع هو ال راه يبتاع بدون رخصة ولا ديول
و لكن من مفروض لازم تتفاهمي مع مول محل تشدي لكومند.

 

[Eme Lyy]

اختي كاين لي راهم دايرين طوابل ويبيعو هذو عندهم رخصة مكاش منها اخدمي على روحك ربي يرزقك ان شاءالله ويفتح عليك