الطبخ المصري

[Chahră Žad]

طريقة عمل البيتيفور بالكوباية
قبل المكونات و قبل أي حاجة هقول أسرار نجاح البيتيفور بما إني من عشاق البيتيفور
1/ممنوع إستخدام بيكنج بودر في البيتيفور نهائياً البيكنج بودر هو إللي بيخلي البيتيفور يفرش
2/أهم خطوة لنجاح البيتيفور هي ضرب الزبدة و السكر كويس مع بعض دا إللي بيخليه يكون هش و جميل
3/نحاول نستخدم خامات كويسة و لو مفيش إمكانية لكدا نحاول علي الأقل نستخدم نوع زبدة و شيكولاتة كويسين لأن دا إللي بينقل الطعم في حتة تانية خالص كل ما كانت الخامات إللي بنستخدمها كويسة بناخد نتيجة أحسن
4/في البيتيفور بنستخدم سكر بودر مش حبيبات
5/لو هنعمل البيتيفور في الجو دا بنقلل معلقتين دقيق عشان العجينة تبقى طرية و نعرف نشكلها بسهولة
6/لو عايزين البيتيفور دايب أكتر بنزود صفار البيض
و لو عايزينه مقرمش أكتر بنزود بياض البيض
(يعني لو عايزين البيتفور دايب أكتر ممكن نستخدم ٢صفار بيض + بيضة كاملة )
7/ لما بنضيف الدقيق بنقلب بالراحة مش بنعجن خالص احنا بندمج المكونات بس
8/ممنوع نضيف أي سوائل للعجينة مش بستخدم حليب و لا مايه
9/الطبيعي إن العجينة بتكون طرية شوية لأن دي طريقة بيتيفور القمع و عشان تكون سهلة في الإستخدام بتكون طرية
المكونات:
4 كوب دقيق
2 كوب زبدة
1 كوب سكر
بيضة + صفار بيضة
فانيليا
1/2 معلقة صغيرة خل(إختياري)
ذره ملح

 

[Chahră Žad]

#بسكويت_الكيس السريع ( النواعم)
_____________________
المقادير
______
350 جم دقيق ( 3 كوب)
125 جم سكر بودره ( 1 كوب)
2 بيضه
125 جم سمنه ساقعه ( كوب الي ربع )
8 جرام بيكنج بودر
كيس فانيليا
الطريقه
______
- نخلط الدقيق مع البيكنج بودر
- نضرب السمنه مع السكر كويس جدا حتى تهيش وتبيض ويبقى لونها مائل للبياض نحط بيضه ونضرب حتى تختفى نحط البيضه التانيه ونضرب حتى تختفى
- نحط الدقيق ونخلط حتى العجينه تلم نفسها وبعدين نحطه فى كيس حلوانى ونشكل علي ورق زبده
- ويدخل فرن ساخن على درجه حراره 150:160 درجه وبياخد حوالى 10:20 دقيقه
ملاحظة
لما نضرب السمنه الساقعه مع السكر البودره كويس تخلى البسكويت خفيف وهش وفيه مدغه وقرمشه
وبالهنا والشفا

 

[Chahră Žad]

#بسكويت_لانكشير
المكونات
3 كوب من الدقيق
نصف كوب من النشا.
نصف كوب من بودرة السكر.
كوب من السمنة.
2 من البيض.
ملعقة واحدة صغيرة من البيكنج باودر.
نصف ملعقة صغيرة من الفانيليا.
رشة صغيرة من الملح.
مربى للتزين (اختيارى)
جوز هند للتزيين
الطريقة
نضع السمنة والسكر في الخلاط الكهربائي ونخفق حتى يصبح الخليط كريمي، أو نخفق بالمضرب السيليكون اليدوي.
نضيف بعد ذلك البيض ونخفق مرة أخرى، ثم نضع النشا والدقيق المنخول والملح والبيكنج باودر والفانيليا.
نقلب حتى تلم العجينة وتصبح طرية ولا نعجن كثيرًا حتى لا تتكون خيوط للدقيق.
نغطي العجينة ونتركها ترتاح في الثلاجة من عشر دقائق إلى ربع ساعة.
نقسم العجينة إلى قسمين، نقوم بتشكيل القسم الأول إلى دواذر صغيرة بحجم الغريبة.
نضعها بعد ذلك في الصاج مع مراعاة ترك مسافة بين كل واحدة والأخرى.
ونقلب، ثم نشكلها على شكل دوائر صغيرة متساوية الحجم
نرصها بعد ذلك في صاج، ونضعه في فرن ساخن على درجة حرارة متوسطة ونتركها لمدة عشرين دقيقة
نخرج الصاج ونترك البسكويت حتى يبرد، ثم نأخذ قطعتين متساويتين في الحجم سواء كانت سادة أو بالمربى
وندهن واحدة منهما بربع ملعقة صغيرة من الشيكولاتة ثم نضع القطعة الأخرى وجوز الهند للتزين

 

[Chahră Žad]

كباب الغلابة بطاطس مدخنة
طبق جانبى سهل و بسيط جداااا
بس الطعم و لا أروع
مناسب فطار غدا عشا ميقولش لأ
هنحتاج بطاطس محمره صوابع
(أى كمية زى ما تحبو )
(مقلية ف زيت غزير أو ف الأير فراير)
ف بولة نحط بصلة جوانح مع رشة خضرة مشكلة
(بقدونس و كسبرة و شبت )
ملح و فلفل أسود و ظرف مرقة دجاج فورية
و ندعك الكلام الجميل ده كويس جدا
ننزل عليه بالبطاطس المحمرة الساخنة
نقلب نقلب نقلب
نحرق فحمة على نار جانبية
نحط الفحمة ف نص البولة و عليها نقطة زيت
و نقفل كويس جدا جدا بغطا أو فويل
حوالى 10 دقايق
بس كدة نقدمها مع كفتة و كباب أو فراخ مشويه
أو حمام محشى فريك
أو نأكلها بعيش بلدى طازة و سلطة طحينة
ريحتها و طعمها حلو اوى اوى
ممكن نعملها راب تورتيلا و نحمصه ف التوستر
جربوها و بالهنا

 

[Chahră Žad]

#بدون قلى عمل المسقعه بطريقة المصرية #سهلة #وبسيطة وخفيفة جدا على المعدة طعمها روعة
#طريقة المسقعة بدون زيت
المكونات:
بطاطسيه كبيره مقطعه مكعبات
كيلو باذنجان مقطع مكعبات
عصير طماطم فريش
بصله مقطعه شرائح
فصين ثوم مفروم
فلفل رومي مقطع مكعبات
كمون/كزبرة ناشفه/ملح/رشه سكر/فلفل اسود
مكعب ماجي ملعقه كبيره معجون طماطم
الخطوات:
في صينيه متوسطه نحط شويه زيت و البصل شرائح والثوم يتشوحو وننزل بمكعبات الباذنجان و مكعبات البطاطس و الفلفل لاخضر ياخدو تشويحه وننزل ب عصير الطماطم
وعليهم ملح والكمون والكزبره وفلفل اسود ورشه السكر وملعقتين معجون صلصله ومكعب مرقه
لما تبدأ تغلي هدي النار وغطيها وسيبها بقي براحتها الطعم بجد حلو اوي
وبس كدا بالف هنا