#ميني_بطبوط_معمر
عندي ليك اكثر من 15 حشوة لذيذة تنوعي بها البطبوط في رمضان
- الحشوة 1
الخس والبصلة مقطعين رقيق مطيشة مربعات خيزو محكوك الماييس الطون زيتون مقطع يتخلط بالمايونيز و الملح و البزار يتعمر بيهم البطبوط ديري فوقها الفروماج محكوك
- الحشوة 2
تقطعي بصلة وتشحرها مع ملح والابزار وتحميرة وكتاخذي صوصيص تقطعيه طريفات صغار وتزيدي شوية المعدنوس يطيب و من بعد الزيتون مقطع
- الحشوة 3
قطع صدر الدجاج مع الفلفل الوان و الجزر
والبصل والتونة
- الحشوة 4
طون و الماييس و الخس و طوماط سوغيز و للدهن فروماج مثلث أو جبلي و مايونيز و شوية كاتشاب و الحار
كتخلطي دكشي لي غدهني بيه البطبوط وكتبداي تدهني دكشي لي كيبقا كتزيدي عليه ماييس وطون وكتخلطي وديري الخس فالبطبوط و عمرهم بالحشوة و زيدي طوماط سوغيز
- الحشوة 5
نديروا بطاطا مقطعة مقلية ، طون ديال مطيشة ، فروماج محكوك ، زيتون كحل و خضر مقطع صغير ، كيتشوب تقدري تزيدي كاشير
- الحشوة 6
بطاطا مسلوقة و مقطعة مربعات صغار + بصلصة مشلضة رقيقة + شوية معدنوس مقطع + 3 بيضات مسلوقين و مقطعين + 1 خيزوا محكوك + زيتون خضر مقطع + حك طون + فرماج حمر محكوك + 2معالق كبار زيت زيتون + 2 معالق كبار مايونيز + ملح + إبزار
- الحشوة 7
الكبدة مقطعة طريفات صغار أو مشرملة بالبصلة و الربيع و الكمون و التحميرة والملحة و البزار
- الحشوة 8
كنشلظي بصلة ولاداند ولا صدر دجاج مقطع طريفات صغار تشحرهوم مع زيت سكينجبير بزار تحميرة ملح دانون مسوس موطارد ونحك عليه فرماج نخليه يتشحر مزيان نطفي عليه نخليه يبرد
لاصوص ديروا مايونيز ودانون مسوس وشوية الموطاغظ و ملح
والخس كنخلط كلشي فخطرة وعمري البطبوط
- الحشوة 9
مطيشة مطقعة + بصلة مشلضة + فلفلة مشوية هادشي كيتشحر مع شوية ثومة الربيع و الابزار و ملح و سكنجبير و الخرقوم ملي يطيب مزيان كتزيدي عليه 2 معالق كبار ماييز خلطي و طفي عليه و هادشي طحنيه كيحي صوص و ف المقلاة ديري الصدر او كفتة لي عندك يتشحر مع الملح و ابزار ملي طيب زيدي عليها الصوص خلها تشرب واحد 5 دقايق ا ملي تدفى عمري بيها البطبوط مع الفرماج
- الحشوة 10
صدر الدجاج مع البصلة طايب ، كورنيشو و الخس مقطع رقيق و الفرماج و هادشي كامل تخلطيه بالمايونيز و الموطارد
- الحشوة 11
دجاج مقطع مكعبات صغيرة طيبيه فشوية زبدة وملح بزار صافي
صوص ديري دانون مسوس حكي فيه كورنيشو شوي بزار
خلطي صوص مع دجاج و عمري بيه
- الحشوة 12
كاشير مقطع و الزيتون مقطع و كورنيشو
مطيشة وحدة مقطعة صغيرة و زوج بيضات مصلوقين و مقطعين وتخلطي هادشي كامل مع دانون مسوس و فرشي الخص فالبطبوط
- حشوة 13
حشوة شوارما تاخد من عند الجزار الدجاج مقطع على شكل شوارما كتزيدي عليه عطرية شوارما وشوية القرفة وبصلة مشحرة وفلفلة كتحكي عليهم الفرماج وهوما سخان وكتعمري به او كدير اي صوص عندك
- الحشوة 14
كديري طون خيزو محكوك بصيلة زيتون خضر بيضة مسلوقة محكوكة، مطيشة مقطعة و مايونيز عمريه فأخر لحظة
- الحشوة 15
دجاج مشرمل فملحة كمون ابزار سكنجببر قرفة قزبور يابس تومة غبرة شحريه مزيان. صوص كديري بيرلي مسوس مطحون مع تومة و ربيع و كورنيشو و ديري شوية ديال لاصوص عمري بدجاج و خلي الباقي ديال لا صوص ديكور لي بغا يزيد
- الحشوة 16
كديري جبلي و كيري طون فرماج محكوك زيتون اخضر داند مدخن كورنيشو مقطع ماييس، خلطي كلشي و عمري بيه
المقادير🩵:
تارتولات الليمون
