استفسار شخص شرا حاجة نتاع لونساج

[سليم هلال]

السلام عليكم شخص شرا حاجة نتاع لونساج وتفاهمو على السعر وبلي مايحوسش عليه وذرك الشخص دار عليه قالو مابعتلكش ردلي رزقي واش يقدر يديرلو ذرك للعلم كاين بزاف شهود على بالي الثقة فالوثيقة بصح دار فيه ثقة وخدعو اسكو كاين اجراءات باش يرجعلو دراهم مابغاش يرجع يقول مابعتش

 

[Abd Ennour Tlemceni]

الغلطة تاعك انت كون من الاول كنت تتفاهم معاه علي اساس انك سلفتلو مبلغ من المال عند الموثق مقابل ضمان لي هو هديك الحاجة لي شريتها عليها هو كي ايقولك رجعلي الحاجة انت بطبيعة الحال عندك دليل بلي تسالو سوارد

 

[Abd Ennour Tlemceni]

يا يرجعلك دراهمك يا انت مشريتش من عندو وعاود بيعها لكان هو عارف روحو بلي رح يصرا لو مشكل كي يبيع ميديرش نية فلهبال مش نهار الصح يدور عليك ويزيد ميردلكش دراهمك فياقة هاذي

 

[Abd Ennour Tlemceni]

مكاش حتى ثيقة أصلا ملك الدولة ممنوع تبيعو ولا تشريه

 

[Abd Ennour Tlemceni]

لبيع في هاذ لحالة يكون بعقد كراء طويل الاجل فالوقت الحالي يعطيه زوج خيارات أما يرجع دراهم اما يبيعها كما راهي لصحاب لفيراي

 

[Abd Ennour Tlemceni]

القانون لايحمي المغفلين راك شريت المرهون يعني الملكية للبنك مش للشخص فالحالات هادي باه تضمن حقك تشري بعقد كراء بيسك يقدر يسنييلك كراء مدة سنوات ودير بنود تعجيزية لصالحك ودير بند تعويض ضرر التعسفي ...... أما تع نصلو وبيعو بياس هدرة الجياح راح يخرجلك لوسي وقوة عمومية ويشارعلك ويغلبك وتولي في تردلو حقو قوة بالتعويض