تطبيق اختبار الحمل للرجل

[IlZa GüZęl]

"ننصح الرجال بتطبيق اختبار الحمل مرة شهريا حفاظا على صحتهم!!"
نصيحة وردت في موقع السرطان الأمريكي MD Anderson
(خاصة للرجال لي عندهم تاريخ مرضي أو أعراض مقلقة في الخصية )
اختبار حمل إيجابي ...
أسعد لحظة في حياة المرأة و أتعس لحظة في حياة الرجل !!
بصح علاه ؟
شريط فحص الحمل يكشف عن هرمون HCG
إدا عطى نتيجة إيجابية ( زوج خطوط ) تسما كاين هرمون HCG في البول ✅️
هاد الهرمون يُفرز بشكل طبيعي من الغدد تع المشيمة عند المرا الحامل ( تسما كي يخرج إيجابي عند المرأة فهدي حاجة طبيعية و تدل على حمل )
بالمقابل HCG يُفرز أيضاً من بعض الغدد السرطانية في الخصية
معناها كي يتفاعل شريط الحمل إيجابا مع بول الرجل فهدا مؤشر على وجود ورم سرطاني في الخصية

 

[IlZa GüZęl]

الجملة تع "الرجال يديرو الاختبار هاداك شهريا" راها غير نصيحة وردت في الموقع
و اختصت النصيحة الرجال لي عندهم تاريخ مرضي ولا أعراض مقلقة في الخصية
ما قالش ديروها بسيف !!! قال من "المستحسن" / من "الافضل" / "ننصحكم" ديروه
هادي مجرد طريقة للكشف تجي عادة بعد ما يحس الرجل بألم ، تورم انتفاخ ... إلخ إلخ في الخصية
مش يضرو راسو يروح يدير تاست
أبار لي ذكرناهم الفوق "كنصيحة" يديرو التاست شهريا

 

[IlZa GüZęl]

+ قلت "بعض" الغدد السرطانية في الخصية لي تفرز هاد الهرمون
معنى ذلك قااادر تكون الغدد السرطانية لي في الخصية من نوع خلاف ما يفرزش الهرمون و الرجل يدير التاست و يخرجلو سلبي مالغري عندو المرض
++ بلا هادي مينداك المرأة مام سي تكون حامل و يخرجلها التاست سلبي ! نفس الشيء عند الرجل مينداك مريض و يخرج سلبي ! ديما كاين مجال تع خطأ لهادا مش رح نعتامدو على الطريقة هادي فرات !! إنما هادي جزء من متعدد
تسما مش كي يخرج إيجابي يعني مريض و يبدا رحلة العلاج
لاااااا بالعكس لازم الطبيب يزيد يتأكد بوسائل أكثر تطورا و دقة ( راديو، خزعة ... إلخ إلخ )