هوّر يا ابو الهوارة

[عبد الحكيم اليماني]

هوّر يا ابو الهوارة
على دول كلها قذارة
نازلة عليهم بغزارة
هوّر يا ابو الهوارة
على مدن كلها دعارة
من شارع لشارع لحارة
شتّي يا دنيا عليها
بلكي تذوب الحقارة
هوّر يا ابو الهوارة
على هيك عالم وحضارة
وعلى مدن قالوا عتها منارة
طايشة فيها البنت والختيارة
هوّر يا ابو الهوارة
على امة نسيت الكهف والمغارة
وأسنسير صاروا يطلعوا العمارة
ونسيوا البعير والجمل والحمارة
وركبوا التكسي والسيارة
وباعوهن واشتروا طيارة
راحت اموالهم للغرب
بخفية وشطارة
وهم لسة نايمين وسكارى
هوّر يا ابو الهوارة
على وطن واطية أسواره
وعلى أمة مخها مثل الحجارة
وهوّر يا ابو الهوارة
على وطن ضاعوا فيها
مسلمين ونصارى
وصارت اسرائيل الأمارة
وهوّر يا ابو الهوارة
على شهدا بضيعوا خسارة
وعلى عزيمة جبارة
باعوها اللي في
تل أبيب سهارى
وهوّر يا ابو الهوارة
ولازم يعرفوا الدنيا دوارة
والشباب بستنوا اشارة
ورايحة تنطلق الشرارة
من كل حقل وبيدر وبيارة
ومن رام الله من المنارة
بكل همة وجسارة
رايحة تكون الغارة

د.داود فلنة