سيناريو و حوار : مسلسل الرايس قورصو الحلقة 3

[ساحرة الجنوب]

سيناريو و حوار :
عمار يزلي ... انس تينا

مشهد 1
- تبدأ الأحداث من اَخر مشاهد الحلقة الأولي، يقوم الشخص الملثم بغرس السيف في منتصف سرير
السلطان هارون الذي كان يغطي وجههـ بينما تصدر أصوات السلطان هارون وهو يتأوه من الضربة
بشكل كوميدي

صوت السلطان هارون
اه أوه اه

- ينظر الشخص الملثم قبل أن يتوجه إلي نافذة الغرفة للهروب، وهو يبتسم بمكر وقد أزاح الغطاء الذي
كان يخفي وجهه لنكتشف إنه جلول زوج أخت السطان ووزير الدولة الأول، والذي سيتربع علي العرش
في حال إزاحة هارون عن العرش
- يخرج السلطان هارون من تحت السرير حيث كان يختبئ أسفله بعد نبوءة كبير المنجمين، وترتسم علي
وجهه علامات الرعب، وينظر إلي السيف المغروس في منتصف السرير وهو يرتعش، قبل أن يرفع
الغطاء لنجده قد وضع مخدة مكانه ليخدع اَي شئ يأتي لقتله، ثم يربت علي مخدته

السلطان هارون :

الشواف جابها في الصواب... قريب قتلوني ولاد الحرام... يعطيك الصحة يا مخدتي سلكتيني ربي يسلكك
ان شاء الله....الهربة تسلك...هاو ليكوم الكرسي الحكم هاي ليكوم البلاد.... نروح قبل ما طيح في هاد
القصر الروح....بصح الي حابين يغدروني نوكل عليهم ربي الله يعطيهم غير الكوليوا والتيفوئيد..قز القرط
ومرض السل!

مشهد 2

- يتم تنصيب الرايس زعيماً روحياً لجزيرة ، حيث يصطف أهل الجزيرة الأصليين صفين حول
الرايس ويقوم الأطفال بتقديم الهدايا له
يقوم القائد بإلقاء كلمة

شيخ وقائد الجزيرة:
بلغتهم مترجمة( langue )

يا ناس جزيرة حمود اليوم الأسطورة تحققت اليوم ولا الزعيم تاعنا ... اليوم عيد لجزيرة الكولا

3
الجميع :

boumayi bimbou boumayi bimbou
يحيا الزعيم يحيا الزعيم يحيا الزعيم

- يندهش الرايس من تحدث قائد القبيلة بلغته و يسأله
الرايس:

هاد الشي تهدر عربية ... وم البارح و نتو تكوفو روحكم

شيخ الجزيرة:

لقد تعلمنا بعضا من لغتكم ... من بعض الأسرى الذين قبضنا عليهم في جزيرتنا مقابل إطلاق سراحهم
- ثم يوجه قائد جزيرة كلمة لأهل الجزيرة
شيخ الجزيرة :
بلغتهم مترجمة( )

Kwaye ngoku mamela intetho yenkokheli yokomoya

و الآن إستمعو لخطاب زعيمنا الروحي

- يقوم كل أهل الجزيرة للإستعداد وتعزف في الجهة الأخرى أنغام موسيقى بدائية خاصة
والتي تبدو أنها النشيد الوطني للجزيرة
- وبعد إنتهاء النشيد يجلس الجميع ويحس الرايس بالحرج فيحمحم وينظر إلى صالح فيهز
هذا الأخير رأسه

صالح :

شوف وش تهدر دبر راسك متحرقناش
الرايس ( يحمحم ) :
ايها
- يصفق أهل الجزيرة تصفيق حار

الرايس :
أيها

4
- يصفق أهل الجزيرة تصفيق حار

الرايس: ( جانبا لصالح ) :
مازال مبتيتش نهدر يصفقو ؟
صالح :

كمل بالاك أيها عندها معنى عندهم

الرايس :

توحشتكم ،، توحشكتم يامحاينكم ،، وين كنتو وانا نحوس عليكم هادي يمات و شهور وسنين،، ،،

جيتكم او ماجيت بيديا فارغين ،،

- تصفيق و صراخ

الرايس :

قولو للميزيرية باي باي .... قولو للشوماج باي باي قولو للحقرة باي باي ..... ( سكوت) قولو باي

باي
شيخ الجزيرة :

بلغتهم مترجمة( langue xhosa )
chaweda bye bye
قولو باي باي
أهل الجزيرة:
باي باي باي باي ... و كأنهم يعبدوه

- الصورة تنتقل إلي فليتشة الذي مازال موجوداً في القدر الكبيرالذي كان يتم طبخه فيه، لكن تم اطفاء

النار، ولم يتم إخراجه منهحيث يصفق بحرارة و يصفإعجاباً وهو يهتف

فليتشة :

فليتشة.... ياو علابالي باي باي psq راك هارب ... بالاك برك تقلع و تخليني
- يهمس الرايس إلي صالح

الرايس :

سكتو علينا هاذ البهلول راح يحرقنا
يستدير إلى شيخ القبيلة:

5

ماتحتاجوش شطيطحة لسان قطعلو لسانو يرحم باباك

شيخ القبيلة :
اكمل الخطاب
الرايس :
يقلبها دراما و حزن

بالاكو تقولو كنت فرحان و أنا بعيد عليكم ... ( يتظاهر بالبكاء ) .... قلبي كان يتطع مالشوق باش نتلاقا
مع ( بتردد ) شيخ القبيلة ( يبكي بحزن و يبكي معه الجميع) عاننينا باش لحقنا هنا ( و يدخل فليشة لي

طلقوه ) لوكان ماشي هاد المرض لي وصلنا هنا

فليشة :

أياه هايلة تكون زعيم معليش نهدر شوية

الرايس :
لالا
فليشة :
صحا ( و يبدأ الخطابة)

مسكين الزعيم تاعكم الجزيرة تمشيلو فدمو وهي سبابو وعليها يحيا و يموت وcé pour ca كتب

قصيدة حزينة يقول فيها للجزيرة ( يغني تاع كادار الجابوني )

نتي سبابي عيشتني ف el doute
يحي علييا كل يوم نحيا و نموت
ايا تو لموند معانا
و هارايي
والجميع يجيبه:
و هارايي

يصفق أهل الجزيرة تصفيق حار

• يشير قائد القبيلة بيديه ويعلن بدء الاحتفالات
• تبدأ الطبول والموسيقي في العزف مع رقص أطفال الجزيرة ) نتي سبابي(

6

- بعدها تبدأ مراسم تتويج الرايس زعيماً روحياً للجزيرة بإهدائه تاجاً من أحمر اللون عليه شعار
كوكاكولا، ثم احضار قارورة مكتوب عليها كوكاكول اوتقدمها له جميلات الجزيرة
kabyle

الرايس :

لالا يعطيكم الصحة ،، عندي ليسطوما ،، ماذا بيا كويس لاتاي بالجنجبيل وايلا كاين

قائد الجزيرة بحزم:
يجب أن تشرب هذا المشروب
الرايس :

متقلقش خلاص ... وش هادا ؟؟

قائد الجزيرة:

هذا أكسير الحياة لأهل الجزيرة مشروب منبع حمود نقدمه إلا للزعماء ،، وانت زعيم أهل الجزيرة

صالح :
اشرب
الرايس :

و قيلا الرهج ،، حبوا يرهجوني ....

صالح :

كون راهم حابين يقتلوك ،، كون طيبوك واتهناو

الرايس :

وبالاك رايحين يطيبوني بهذا السيرو ،، بالاك حبو يديروني لحم حلو

صالح :

اشرب ،، اشرب مايصرى والو

ايلا شربو فليشة ، يولي هو الزعيم ،،تحمل هذ الشي

الرايس :

لالا نموت و مايوليش فليشة زعيم
- يقوم رايس بالشرب، وتبدو عليه علامات الدهشة الاستمتاع
الرايس:

هايل ، راني حاس روحي نشرب في حاجة عمري ما شربتها

زعيم الجزيرة :
أنت حقا لم تشربها في حياتك
فيتشة يصرخ:

خليلي شوية نذوق معاك الشيخ ريقي راهو ناشف...

الرايس :

هذا كون تشرب السم يقولك نذوق معاك

الثالثة3
- يجلس الرايس مع شيخ و قائد الجزيرة، ويتحدث معه عن الجزيرة و أهلها

الرايس:

شوف يا حبيبنا الشاف مانخبيش عليك ،، انا ماراني فاهم والو ،، كيفاش أهل الجزيرة ناس ملاح

طيبين ،، قازوز وهوما ياكلو اللحم تاع العباد،،

شيخ القبيلة (يضحك) :
أحنا ناكوا لحم لعباد؟ هاهاهاها
الرايس:

ها..واش عاد تاكلوا؟ البقري؟ العنزي؟ السرادك ؟ القنينات؟ لمقانينشفنا قدوركم موجدة للبني آدم! ما

شفتش بقرة وإلا نعجة..هاهاها

8
يضحك الرايس ويضحك معه قائد الجزيرة
- ثم يخبره بالحقيقة

قائدالجزيرة: arabe

راك غالط آآآلزعيم راك غالط احنا ماناكلو لحم البونادم و ماناكلو حتى لحم ،، اهنا كامل نباتيين

الرايس : vegitariens ؟ تاكلوا غير الخبيزة والسلق؟..

قائد الجزيرة :

ناكلو غير الحشيش ،، شوف هذيك حيلة دايرينها باش نحمو رواحنا من من أي غريب يجي
للجزيرة ،، نديروه فالقدرة على ما دافا ونخلوه يشوف الموت ومبعد نخلوه يهرب ويدي الخبر

بللي هذ الجزيرة سكانها ياكلو لحم العباد ،،

الرايس :

إيه vraiment يعني بسلامتكم مرحيين بصح نتا مرحي عليهم

قائدالجزيرة:
ماذا تقصد
الرايس( نظرة مكر ) :

على بالك بللي انا مانيش زعيكم الروحي ،، وعلاش قلت لأهل الجزيرة بللي انا الزعيم

قائد الجزيرة (يضحك):
هاهاهاهاهاها

لأنك تشبهه فأنت فولة إنقسمت على إثنين ....

وكي شفت في عينيك الطيبة والخير ،، حبيت نطلع المورال تاع أهل الجزيرة اللي راهم
خايفين من كاش جماعة تجي وتقضي عليهم رانا فالجبل ومقابلين البحر و رانا نشوفو
البابورات يفوتو بالألوف وكلهم معمرين جنود ومدافع ،، وهذو مانقدرو نديرو معاهم حتى شي ، ما
كان قدامي غير باش نقدمك بللي انت الزعيم باش نطلعهم المورال و يعيشوا في الأحلام.

مشهد 3

- يجتمع الرايس مع صالح في عشته بالجزيرة علي انفراد

9
الرايس:

على بالك ياصالح أمقران.. راني حاب نساعد أهل الجزيرة هذو بكامل واش نقدر ،، نعلم ولادهم

القراية والكبار نديرلهم محو الأمية ونديرلهم حراس يحرسو الجزيرة

 

[ساحرة الجنوب]

صالح (مبتسما):

على بالي وين باغ توصل! تبنيلهم قاريطا في راس الجبل ،، وتعلمهم كيفاش يصنعو السلاح
وكيفاش يدافعو على رواحهم ،، نعلمهم كيفاش يزرعو أرضهم وتجيب لهم الخيرات

الرايس (يكمل):

... ونديرلهم مستشفى باش يداوو المرضى ،، نقولك هذ الناس يستهلو كل خير...
- ينظر إليه صالح باعجاب و امتنان

الرايس:

واش صالح ماعجباتكش هدرتي ؟ا

صالح :

بالعكس راني معجب بزاف بالفكرة ديالك راني نتمعن فيك وشغل راني نشوف في زعيم روحي حقيقي

... يا سبحان الله...انتايا كيما باباك نسخة طبق الأصل..

مشهد 4
- الصورة تستعرض عدة لقطات تظهر تعامل الرايس الطيب ونجاحه في كسب ودهم
(لقطة 1)
- الرايس، يحرص علي مداعبة الأطفال واللعب معهم، وكذلك تعليمهم القراءة وتوزيع هدايا علي المتفوقين
منهم

الرايس : (لأطفال)

الليف ماتنقطش ،، البا وحدة من التحت ،، التا زوج من الفوق ،، الثا ثلاثة من الفوق

عاودو ،،

10
جميع الأطفال :

الليف ماتنقطش ،، الباب وحدة من التحت ،، التا زوج من الفوق ،، الثا ثلاثة من الفوق

عاودو ،،
الرايس :
يعطيكم الصحة

(لقطة 2)
- يقوم الرايس بمداواة المرضي بخبراته الكبيرة التي اكتسبها من المعارك البحرية التي خاضها وكانت
تتطلب المعرفة بالطب لعلاج المصابين، حيث يقوم بتنظيم ما يشبه القافلة الطبية ويقوم بالكشف علي عدد
كبير من المرضي، الذين يظهر عليهم الامتنان لمداواته لهم، حيث يقوم بإعطائهم الأعشاب التي تساعدهم
علي ذلك

الرايس :

بالشفا عليكم ،، ضرك راني داويتكم ومبعد نعلمكم كيفاش تداو رواحكم بالأعشاب ، راكم عايشين
في وسط الغابة وماتعرفوش العشبات اللي فيهم الدوا؟ ،، كلي جزار وعاشتو قرنينة....
(لقطة 3)
- تصطحب ميسو الرايس في جولة للاشراف علي تعليم الفتيات الحياكة، حيث يشاهد ما قاموا بصنعه،
ويثني علي ما فعلوه ويصفق لهم، وسط حالة من السعادة ترتسم علي وجوههن

الرايس :

اسمعي ميسو ،، اهنا تكمل خدمتي، انت علميهم المطروز و المجبود ،، علميهم الكروشي

ميسو:

نعلموهم يخيطو ومبعد ساهل
الرايس :

بصح ميسو ياك أنت راكي في عوض أختي!؟ ،، علاه عمرك مافكرتي تلبسي بدرون و لا كاراكو الله

الله و تستري شعرك بمحرمة الفتول...واش نقولك....

ميسو :

ايا امشي وبركنا من الكلام اللي ما يسمن ما يجوع....

وتتقدم أمامه إتجاه النساء

11

مشهد 5
- يتجه صالح إلي شاطئ جزيرة حمود ، حيث يكون أحد المراكب في انتظاره وبها بعض الرجال من بينهم
الدنفيل، يركب معهم صالح

صالح:
واش شفتوا الطريق مليح ؟
الدنفيل :

ماكاين حتى خطر الدعوة راهي هانية؟

صالح :

ايا على بركة الله ،، نروحو للسلطنة الهارونية

وتقلع المركب

مشهد 6
- يأتي شيخ وقائد الجزيرة إلي الرايس ويبدو علي قائد الجزيرة الهلع والخوف

قائدالجزيرة:

يارايس قورصو.. يازعيم يا زعيم ،، اجري أجري ،، مرت وليدي راهي حابا تزيد والوقفة انتاعها
ماراهيش تبان ساهلة ورانا خايفين عليها وماناش عارفين واش نديرو...عونا يا زعيم....
- يقف الرايس منتفضاً من مكانه ويقوم بتهدئة الرجل
الرايس:

ماتتقلقش ماتتتقلقش ،، رايحين نشوفولها حل ومايكون غير الخير انشالله،، وجدوا الطمينة برك....
- ينظر الرايس إلي ميسو

الرايس:

تجي معايا ميسو ،، لازم تكوني في هذ الشي ،، غير انت اللي تفريها

ميسو :

على بركة الله...الريح مايقيسكش ...

12

- يتحرك الرايس ومعه ميسو إلي السيدة ويدخلان العشة التي تتواجد بها

مشهد 7
- داخل العشة ترقد السيدة ويبدو عليها الاعياء الشديد، و يظهر القلق علي زوجها الذي يجلس بجوارها،
والذي يقف بمجرد دخول الرايس و ميسو
-يتولي الرايس الأمر هو وميسو وسط صرخات السيدة حيث يبدأن في محاولة توليدها، لإنقاذها وإنقاذ
حياتها

مشهد 8
- تنتقل الصورة إلي خارج العشة حيث يتجمع أهل الجزيرة خارج العشة و يبدو القلق علي وجوه الجميع،
قبل أن يقف فليتشة بثقة، وهو يستعرض قدراته بشكل مستفز
فليتشة:

يا جماعة ماتتقلقوش انا اللي علمت الرايس قورصو الطب مليح ،، ابن سينا و مايقواش قدامي في
العفايس تاع الطب، بصح لازم تدعوا ربي باش الرايس قورصو ايطبق واش علمت و ماينسى والو ،،
- يقف أحد الصبية الصغار ويضرب فليتشة علي مؤخرته
الصبي:

انت دير رجليك فالميهة باردة ،، والا حاب نرجعوك للقدرة والما يغلي؟
- ترتسم علامات الفزع علي وجه فليتشة، الذي يجلس بمنتهي الهدوء والالتزام دون أن ينطق بكلمة

مشهد 9

- داخل العشة ينجح الرايس وميسو في إنقاذ حياة السيدة وكذلك حياة المولود، حيث يمسك الرايس بالمولود
ويعطيه لوالده

الرايس:

مبروك عليك،، هاك الرويجل ديالك ،، خمسة وخموس عليه ،،

13
ميسو :

ايشبهلك قول يماه توحمت عليك...

الرايس :

يا ميسو هذا ..هو المسيو نتاعها.. معلوم تتوحم عليه و حبيتها تتوحم على فليتشة ،، ياخي قتلك اللي شاد
في ربي مايخليهش، و الحمد الله ربي مدلك وليد ،، اياضركة روح اشري ليكوش...

الزوج :

يعطيك الصحة سلكتولي مرتي ووليدي من الموت الله يحفظك او يهينيك دنيا وآخرة...

ميسو :
أمين

• يقف الرجل مذهولا وهو يملس علي المولود بين يدي الرايس، قبل أن يسقط مغمياً عليه من الفرحة
• يدخل شيخ الجزيرة داخل العشة، فيتقدم نحوه الرايس بالمولود

الرايس:

هاهو حفيدك شيخنا، وولي عهد الجزيرة بعد عمر طويل ،، قول بسم الله

قائد الجزيرة :

بسم الله الرحمن الرحيم ،، بسم الله الرحمن الرحيم

- يأخذ قائد الجزيرة الحفيد وعيونه تدمع من الفرحة
قائد الجزيرة:

واش نقولكم؟.... الكلام ماعنديش باش نشكركم.... عمري ماننسى خيركم... او وقفتكم معايا...ايكثر

خيركم....

الرايس:

خيركم سابق... يتربى في عزكم ،، انشا الله يكون كيما باباه و اكثر ،، قولي كيفاش سيمتوه

شيخ الجزيرة:

وفي رايك واش هو الإسم اللي تتوقع نكونو سميناه أنا باباه ويماه ؟ا

- الرايس ينظر إلي شيخ القبيلة وهو يفكر

14

-

الرايس:

باينة تكونو سميتوه على جدو ولا خالو و لا عمو ... المهم على كاش واحد ميت باش تتفكروه....

شيخ الجزيرة:

لالا سميناه على إسم راجل كريم فحل سميناه الرايس قورصو

الرايس :

الله يبارك ،، الواحد سنين باش رايس ،، وانت غير زدت وليت رايس هئهئهئ...يماك داعيتلك

بالخير..هئهئهئ

مشهد 10

- الرايس يقوم بحمل المولود ثم يقبله، ويهديه عدد من القطع الذهبية
الرايس:

هاك الباروك.... ماتقولش ماتهليناش فيك....وضرك نبداو الحفلة ،، ايا قلع الموزيقا و الاَن فلتبدأ

الاحتفالات ولتعزف الموسيقي احتفالاً بالرايس الصغير..

يقفز فليتشة إلى وسط المنصة ويشرع في الرقص الفوضوي الغير متجانس ( على طريقة الواي
واي )

• يقوم الرايس ويزيح فليتشة بيده ليسقط على قفاه ويباشر الرقص وسط تشجيع وفرحة الجميع
• الليل بدأ يزحف علي الجزيرة وبعد انتهاء وصلة الرقص، يتم نصب موائدالطعام، وتوزيع مشروب

الكوكاكولا علي الجميع
- يشعر فليشة بحالة من الاندهاش من المشروب الذي تذوقه لأول مرة

فليشة :

هذي شربات ،، أواه ماشي شربات ،، زنجبيل مسكر؟ لالا ماشي زنجبيل ؟ كونفيتور تاع العسل
،،آواه ماشي كونفيتور ،، مايهمش واش هو المهم بنين ،، تنحي ضيقة الخاطر.....هممممم
وينادي على أهل الجزيرة

فليشة :

.....ياو زيدولي من هاد الحية.....

مشهد 11
يجتمع الرايس داخل عشته مع صالح فور عودته إلي الجزيرة مرة اَخري،
يدخل سردينة إلى العشة، محملا بطبق من الشخشوخة و يضعه على الفور.

سردينة:

رايس قورصو.. راني جبتلك واش طيبتلك... شخشوخة و عليها الكلام ماجيكش حتى في المنام...

صالح:

روح يا سردينة ارقد أو نام و خلينا نخدموا

يرحل سردينة من العشة.

الرايس:

كيفاش راهي الحالة فالمملكة يا صالح.. خبرني؟!

صالح:

الأمور راهي تمشي على الشعرة ،، كيما خططنا لها استنى بزاف مفاجأت في صالحنا

الرايس:

دير في بالك بللي مايهمناش غير أخبار القصر ،، لازم مراكز القوة اللي كاينة فالمملكة جلول ،،
ولطيف ،، ودينار بن نظير ،، هذو هوما العرصات الكبار فالمملكة واللي لازم نديرولهم حسابات

كبار
صالح:

خليني نقولك بللي نجحنا باش نزرعو عيونا اللي تراقب كل واحد فيهم وشرينا الناس الفاسدين

بالمال... ولقينا الناس اللي يساندونا واللي راهم كارهين هذ العرص

الرايس:
زداخل لقصر؟ واش درتو؟
صالح:

حتى داخل القصر!...المهم داخل المملكة مكانش هدرة غير على السلطان هارون اللي هرب و
كاين قرعة راهي تدور يقولو بللي لقاو سيف مرشوق في مطرح السلطان هارون!

16
الرايس:

سيف مرشوق في مطرح السلطان هارون؟؟!

صالح:

نعاام إيه! وهذا اللي خلاه يهرب ،، حتى خرجوا غنية مانعرفش نغنيها بصح هي تقول ،،
هارون هرب، واللي في القصر حكمهم الجرب ،، جلول يندب ولطيف راه يكذب ودينار ديناره أنقلب

هئهئهئ
الرايس: (يضحك)

هاي الاخبار اللي تنحي ضيقة الخاطر... زيد احك راني نسمع....

صالح :

ونتوقع باش تزيد الحالة تتعقد عليهم على خاطر حتى واحد م ايحب لاخر وكلهم راهو يلهثوا
مور الكرسي ، جلول راهو يوجد في روحو باش هو اللي يسبق لكرسي العرش

الرايس (يكمل مـأنه يعرف الحكاية):

...على خاطر هو القريب للسلطان ويشوف روحو هو اللي يستهل قبل لخرين..زيد!

صالح:

..وهذاك شهبندر التجار دينار بن نظير ماراهوش رايح يبقى يشوف والكرسي يديه واحد مايمشيش
على هواه ومايخليهش هو المالك للثروة في المملكة واللي يتحكم في قوت الشعب

الرايس:
ولطيف اللطف..؟

لطيف؟ هئ! ،، يالطيف تلطف يستعمل الدين والسحور والشعوذة ويلعب ويتاجر بعقول الناس هو
تاني راهو يحوس على الفرصة باش يلحق للكرسي ،، ويخاف ايلا ماقدرش وجا غيرو يعاود

يولي كيما كان قبل ،، للشعوذة و القزانة والسحور

الرايس :

الشي اللي لازم يكون هو انو تنخلق أزمة بينهم وماشي غير أزمة... أزمات... لازم يلو كيما

الفخار اللي يكسر بعضو بعض

صالح:

17

قدام الشعب ايبينوا روحهم متحابين، أو هوما يكرهوا بعضهم بعضهم.... وضركة كي هرب السلطان
هارون كل واحد خرج نيابو للآخر..السن تضحك للسن والقلب في الخديعة!

الرايس:

امالا نزيدو نشعلوها ما بيناتهم ونخلوهم يقضو على بعضهم بعض و حنا نتفرجوا.....

مشهد 11

- يفاجأ الرايس بحصار سفن الرايس الروجي مهند له، الذي يأتيه غاضباً بعد أن خدعه بسفينة روث البقر
التي تنازل له عنها،والت يقام بإلقائها في البحر
الرايس :

مرحبا بحبيبي ألي مانحبوش ،، مهند.. الروجي، هذ المرة انت اللي جيت للتريتوارانتاعي بصح

ماعليهش مرحبا بيك
مهند :

مارانيش ضيف جيت باش ننتقم ،، الضربة اللي درتهالي المرة اللي فاتت ماننساهاش

الرايس:
ضربة..ما تنساهاش؟ واشنوهي؟

 

[ساحرة الجنوب]

مهند:

19

... كيفاش ياعجابة تهديلي بابور معمر بالفضلة انتاع البقر وتقولي معمر بالذهب نحبها ، هذا

المرة تخلصها غالية ، اسمع مانيش ببو ومهند ماياكلش من وذنيه

- يحاول الرايس امتصاص غضب مهند كالعادة
الرايس :

يا مهند..يا مهند! ،، ياصاحبي اللي مانحبوش ! وابش كان معمر؟ بالزبل؟ كان معمر بالذهب...

مهند :

ذهب؟ا، هاماتبلعطنيش ،، كانت معمرة بفضلة تاع البقر ،، حاب تهبلني انت؟

يالروجي..ياحبيبي اللي مانحبوش ،، انت ماعلى بالكش بللي الذهب يخرجوه من فضلة تاع البقر؟
والبابور اللي هذيتلولك كان معمر بالسبايك انتوع الذهب ،، برك لازم تخرجو

مهند :

نخرجو؟..كيفاش؟ منين نخرجو! خرجته من الصناديق جبرنته زبل..واش فيه ما نزيد نخرج منه؟

الكوفتير؟
الرايس:

...انا فاتتلي ،، كنت نضن بللي مهند يعرف يخرج الذهب من الفضلة تاع البقر ،، ماتقوليش

رميتو؟؟ ،،

مهند ( بخجل) يهز رأسه

الرايس :
يسود سعدك ان شاء الله...
مهند :

ووعلاش ماخبرتنيش يارايس قورصو؟ ،، كون عرفت بللي ذهب كون راني هربت لزماني و جبتلك

التشيبا ديالك...
الرايس :

على باللي تديرها ،، حبيبي اللي مانحبوش يحبلي غير الخير

- يقوم الرايس باحضار صناديق الكولا واهدائها لمهند، الذي يقوم باحتساء قارورة من حمود ، وتبدو عليه
علامات النشوة حيث يشعر بانتعاش وخيال ويري ألوان قوس قزح أمامه

20
يهتف الرايس في رجاله:
هيا......إنسحااااااااب!

ـ الرايس رفقة صالح و ميسو وفليتشة وهم يبحثون عن الكنز المخبأ منذ مدة والتي كان فليتشة قد خبأه

الرايس (لفليتشة) :

يرحم باباك ضرك وين راه ؟ ورينا وين راه هاذ الهم!
(اين أخفيت الكنز؟ أين هو؟ أين هو هذا الهم الذي أخفيته)؟

فليتشة:

ما تتقلقش ضرك نصيبه راني عاد نخدم في مخي . آبن عمي هاذي مدة.. وين نشفا. ؟ كنت معلمو

بحجرة..

(لا تقلق..سأجده أنا أشغل دماغي..إنها مدة..كي أتذكر مع كل هذا الوقت؟ كنت قد وضعت أمامه حجرة

للتذكر).
ميسو :

مشي قلت لكم يا جماعة هاذ الحية (فليتشة) ما يشفاش حتى على واش كلا البارح؟
(ألم أقل لكم ياجماعة أن هذا الشيئ لا يتذكر حتى على ماذا أكل امس؟)

_فليتشة :

و الله غير راني شافي..كليت بوزلوف بالحمص وطيبتيه أنت آآآمسيو...!
(والله أنا أتذكر جيدا..ما أكلت أمس..راس كبش بالحمص آآآآمسيو (سيدي)

ميسو:

تعاود نخرج من فمك هذا الكملة نتاع مسيو..نعوج لك شنقايفك! قل أين أخفيته؟)
(تكرر مرة آخرى كلمة مسيو هذه..أعوج لك شفتيك..هيا تكلم.. اين أخفيته )

فليتشة

21

راني شافي على المضرب..راني شافي عليه كي اليوم ، غير شوية راهي هاربتلي ... جابلي ربي هنا ....

لا ..لا لهيك ... بصح الحجرة وهي؟

(أنا أتذكر..هنا..لا لا.. مش هنا,.. برما هناك..لكن أين هو الحجر ؟)

ـ الرايس قورصو يأمر بأن يعلق في أعلى السارية للمركب ويحرم من كل أكل وشرب حتى تعود له
الذاكرة.
ـ يمسكون به ويعلقونه.. وهو يصرح ويقسم انه سوف يتذكر
فليتشة :
خلوني راني قريب نشفى
(دعوني.. أكاد أن أتذكر)
ميسو:

والله غير ياكلك الجوع والعطش والناموس لو كان ما تتفكرش وبالخف
(والله ستموت جوعا وعطشا..إن لم تتذكر.. وبسرعة)

ـ بعد قليل نراه يصرخ بيما هو يبحثون بمفردهم
فليتشة

صاي تفكرت تفكرت...وجدتها وجدتها...أوريكا أوريكا
(خلاص.. لقد تذكرت وجدتها وجدتها)

ـ نراهم يسرعون لإنزاله
ـ ثم بعد قليل نراه يستخرون الكنز من مغرة مغطاة الطحالب والرمال بجوار الشاطيئ

صالح

أفير نتاع مد وجزر هذه..عليها تلفت له الربعة هذا الهم..! تعلّم بلاصت كنز بحجرة؟ مهبوول؟
(يبدو أن المد والجزر هو من أخلط حسابات هذا المغفل! وهل يعقل أن تميز مكان كنز بحجر أيتها

المعتوه؟)

مشهد 13
يبدأ الجميع في البحث ، كل في اتجاه و بعد لحظات
صالح:

22

يا جماعة كاينة حاجة! المد و الجزر هاذ الجزيرة بالتأكيد راه كان البحر في حالة مد كي خبا فليتشة

الصناديق
الرايس:

فكرة .. البحر كان هناك عند الشط و احنا رانا نحوسو هنا .. شوفو هناك

فليتشة (من أعلى السفينة يصرخ ):

حتى أنا جاب لي ربي هناك مشي لهيه.. راني شافي عليها كي اليوم سبحان الله ، علاه على صغري ولا

في ا الزهايمر ؟

يشرعون في البحث من جديد ... إلى أن تصرخ ميسو

ميسو:

Eureka . Eureka لقيتو لقيتو

صالح:

وقيلا ميسو راهي لقات المضرب .. يا الله (يجري)

الرايس :

وقيلا ميسو لقات البلاصة .. (يجري)

فليشة :

وقيلا راني بديت نشفى .. اطلقوني .. نزلوني ..أعطوني ناكل راني جيعااااااان!

قطع
مشهد 14
يصل البقية (الرايس وصالح) إلى المكان الذي تقف عنده ميسو لنجد مغارة صغيرة وقد غمرتها الطحالب
و الرمال ، ويظهر فقط جزء من صندوق واحد للكنز المخفي .. يصلون مهرولين

ميسو:

لقيتو .. لقيتو .. راهو هنا (الفرح يعلو محيا الجميع)

الرايس:

الحمد لله .. الحمد لله . أنا قلت خلاص كلاه بوبي

23
ميسو:

غير ما يدير هذاك المصيبة المعلقة

- فليتشة يصرخ من بعيد ولا نعرف ماذا يقول ويرد عليه الرايس من بعيد صارخا

الرايس:

اقعد تما تطيب و ترفرف كي العلام .. وشوف مليح كانش ما تشوف شي باطو نتاع البقر..أما الروث راه

وصل ديجا!
فليتشة يصرخ بأعلى صوته :
يرحم باباكم نزلوني .. راني جيعان حاب ناكل

ميسو :

تاكل راسك إن شاء الله .. يعطيك الرهج ( تقول لصالح ) صالح يعطيك الصحة أنت اللي تفكرت المد و

الجزر
الرايس:

سي فري ، البحر كان واصل لهنا كي سيكو خبا الكنز، عليها كان يقول خبيتو غير قدام الشط

صالح :

.... و دوكا البحر راهو لهيك ، ومع هو (فليشة) راسو مثقوب ما شفاش

ميسو :

هداك التيمبو.. ما يشفى حتى على حاجة ما يعرفش حتى يدو اليمنى من اليسرى ، وين يعرف المد و

الجزر
سيمو:

المهم الحمد لله ... يا الله نبداو نخرجو الصنادق ، و من بعد نهبطوا هذاك العلام (فليشة)
مشهد 15

يجتمع الرايس برجاله وقد وضع خريطة للمملكة أمامه، ويوجه حديثه إلي مربيه ومعلمه صالح

الرايس:

شوف ياصالح أمقران ،، رايح تكون انت القايد داخل المملكة والخطة انتاعنا مبنية على هذ الشي :
نديرو سمعة طيبة لينا وهذا يحتاج منا باش نصرفو دراهم ،، ودراهم كبار نكسبو الشباب معانا

والفقرا وبيهم نسيطرو على الإقتصاد...

صالح:

وكي نتحكمو فالإقتصاد وتولي كل حاجة في يدينا ،، نقولو بللي رايحين نبداو وين هوما حبسو

وقربت نهايتهم..

الرايس:

راك فاهمني صالح..وألله غير أنت أمقران نتاع الصح.. آرقاز! برافو عليك!

صالح:

علمناك حرنا فيك!..هئهئه...!امالا رانا متفاهمين على الخطة

الرايس:

فليتشة ،، ماعندكش ملاحظة؟؟

فليتشة:
على واش ؟

الرايس:
على القوفريط !!

ثم ينادي على ميسو

26
الرايس:

ميسو... ميسو..جيبي معك سردينة ورواحي. رانا رايحين (يستدير للبقية)..هيا...