اريد حلا راه ضايق خاطري بزاف حبيت تنصحوني

[رجاء تلمساني]

سلام خاوتي و خياتي
أول مرة نحط هنا راه ضايق خاطري بزاف حبيت تنصحوني
زوجي اديتو ساعات يخدم ساعات لالا بصح الصراحة فحل و يجيب خبزتو .. كان مقصر بزاف في صلاتو يعني يصلي صلوات و أخرى لا ..الجمعة ساعات يمشي ساعات لا .. التراويح فرمضان بالاك راح مرة ولا مرتين
كنت كي نهدر معه في هذا الموضوع يتهرب ساعات يسمع و يسكت مايتجاوبش وليت ندعيلو في السر وخلاص .. مع العلم ملاحظة أثر هذا الشي في قلة التوفيق في حياتو .. بالإضافة الى أنو يحادث البنات في مواقع التواصل و ساعات هدرات تاع متزوجين ** و ماخفي أعظم الله أعلم .. ونا نشوف بتخبية و كاتمة سااعات نبكي و نقنط مهم ماواجهتوش نقول ندعي ربي يهديه لأني كون نواجهو لازم ندير موقف صارم يحدد نهاية علاقتنا ..ماشي نواجهو و نسكت.. و انا ديما نبعثلو فيديوات تاع ذنوب الخلوات هي لي تمنع الرزق ووو لاحياة لمن تنادي .. مهم نحكيلكم حاجة من المفروض نخليها بيني بين ربي بصح هي لي مقلقتني .. اتخيلو رمضان كامل و نا ندعيلو ليه ربي يهديه و يرزقو بعمل ثابت نسترزقو منو .. والله العظيم و الحمد لله ربي جبر بخاطري وقبل ما يخلاص رمضان عيطولو في شركة خلاص تاعها لا بأس به ..راح يخدم جاز شهر و نص من خدمة فيها حاوزوه .. وهذي بسبة خدايمو كيما قتلهم ماهوش موفق في حتى حاجة .. يعني انا قاعدة نشوف حتى دعوات الخير لي ندعيهملو يروحو في باطل بسبة خدايمو .. حبيت تنصحوني كيفاه ندير معاه حبيت نواجهو فهذي النقطة و نقلو انا ندعيلك وانت مضيعها بخرايبك ..

 

[حنان حسان]

المواجهه احسن حل بصح طريقة المواجهه ملازمش تبينيلو بلي كنت علابالك من قبل وسكتت معناتها لازم كي تواجهيه ديريلو مشكل عيط وانفعل باش يحس بلي هذاك النهار وين فقت وهاذي الحاجه راها خط احمر بنسبه ليك وهذا معنتها ختاري الوقت المناسب مثلا نهار لي يخلي تليفونو بجنبك العبيها بربشت فيه وهذاك وين فقتيلو .. لوكان يعرف بلي راكي علابالك وساكته راه يبقى يتهاون في الموضوع .. ان شاء الله تكون فهمتي قصدي

 

[حنان حسان]

ومن بين عقوبات تارك الصلاة أنه لا يستجاب له في دعاء الصالحين فهميه قولي ليه زير روحك او لهى في صلاتك راني ندعي ليك ربي ولكن مش راه يستجب لي لأنو من بين عقوبات تارك الصلاة لا يستجاب له في دعاء الصالحين

 

[حنان حسان]

صبري وزيدي صبري ودعي ربي واصلي حتى يأتيكي يقين مسألة وقت لا أكثر لاتنقطعي من دعاء أبدااا واصلي وألحي في ظلمات ليل على الله أن يهديه وصبري وصابري وعلمي أن الله لن يخيبكي ولن يترككي وسوف يعطيك على حساب نيتك وقلبك ذكريك بلموت وفيديوهات الموت وقبر وكفى بالموت واعظاااا لعله يتذكر أو يخشى وقولي له قولا لينا مهما يكون بشر ذرد عندك أولاد متقدريش يتميهم وربي أولادك على صلاة وطاعة حذاري تبعو طريق بباهم بلاك بشوفهم يصلو يعتبر وبتكاكا الله يهديه والله يرزقكم عشرة طيبة